Lukas 6:47 - Anahatana ne Anamanaya tau Sou Naunue

⁴⁷ Ia seia wain ihokai mai tanuku, oyo iatinu tau sae wani uaunaui na ipusui, areimo nooi sani sae wani nanie uruniki osimo reini.

Lukas 6:47 Iomraidhean Croise

Lukas 11:28

Ne Yesus iahata, “Sio wason Anahatana mka irui iake osi mo, sio wason oatinu tau Anahatana ne anamanaya na opusu sae waron oatinure rei.”

Lukas 14:26

“Ia sia titue-tue nanie ipusu Au mo, kahurae anoi runa Au renesi inai na amai, sahai, ne hehuka, ne kakau waniu. Erenesi honu mo, kahurae anoi runa Au renesi ruai oi. Sani iuna sani rei tewa mo, mka iuna Au we mampusue tewa.

Lukas 6:48

Ia rei mo, nooi sani ia isa wain iapuoo numa. Ia rei ikani nonu rotu-tu hainau samatoro iaunutu hatu tinipae roe tuama makae oyo iapuoo ne numa. Oyo uane mainae, waene erenia mainae. Waene rei mka eresau-sau numa rei, ne numa rei remnoho tewa. Tau sae, numa reimo, iapuooi roe tuama makae.

Lukas 8:13

Atuhu kania umau honu waroni ramnahu tuama hatu lekau mo, atieu rei sani sio wasoni oatinu Anahatana ne anamanaya, oyo oatarimare anoo mirika. Ne oapamese kua tewa sani atuhu waron nene namta tewa mo, rapamese kua tewa. Areimo oparisaa rotu-tu potuina tewa. Osupu masana, oyo oparisaa tau Anahatana tewa nea.

Lukas 8:8

Atuhu kania umau honu ramnahu tuama iake. Taa raruhuso roe, nene huaya panesi ranesi sae waroni irahure rei. Kanie osa nene huaya utun.” Yesus iruni matieue pusi oyo iakapona, “Ia sia tinai ukuna mo, kahurae atinu ia-ia!”

Yohanis 10:27

Au we mansiau oatinu tanuku sani rompau oatinu tau no mamsaka rompau. Uationa we mansiau na opusuku.

Yohanis 13:17

Oanei pusi sae wan uasaure osimo nea rei. Reiso sani opusui mo, mka osupu iake.”

Yohanis 14:15

Yesus iasau osi ne mampusua ata, “Sani anomo nnaku, omi mka opusu we maunauna.

Yohanis 5:40

Ne openemo oparisaa tau Au na oamahaimo okata Anahatana rotu-tu ria supan.

Yohanis 6:35

Yesus iahata, “Au reini mo, poroti wan uapuhai mansia na ikata Anahatana rotu-tu ria supan. Ia sia wain ihoka mai tanuku mo, mka imakanea tewa nea. Na ia sia wain iparisaa tanuku mo, mka anoi kasae tewa nea.

Yohanis 6:37

Ia sia man wain Amaku iruiki na ouna we mansiau rei mo, mka oeuso mai tanuku. Na ia sia wain ihokai mai tanuku mo, mka uapusaa pusiso. Uneiso tewa.

Yohanis 8:52

Oyo sio ona Yahudiu rei oahata, “Mato anei ia-ia ata Ano mo, sakahatene remasunia. Ma upu Abraham imatai nea. Na sio mamsima runa Anahatana ne maunauna omataso nea oi. Ne Ano asau ata sio wason oatinu tau me maunauna mo, mka omata tewa.

Yakobis 4:17

Reiso sani ia isa ianei ata kahurae iuna sae ne iunai tewa, areimo ipalalosa.

1 Yohanis 2:29

Oanei nea. Ia mo, Ia manisate. Oanei oi ata ia seia wain ia manisate mo, Amai tau Anahatana nea.

1 Yohanis 3:7

We hehuka, saka ruamo na pene ia seia man ihoka iakarotamo iasau ata, “Ita ipalalosa mo, iake.” Ia sia wain iuna sae wani manisate, areimo ia rei iamansa noo sani Kristus iamansa oi.