Lukas 6:25 - Anahatana ne Anamanaya tau Sou Naunue

²⁵ Omi wani tiamo pokona muie reini, mka usupu siraka. Mka omakaneamo. Omi wani oaumani anomo mirika muie reini, mka osupu siraka. Mka orani anomo rapunokoso.

Lukas 6:25 Iomraidhean Croise

Lukas 12:20

Ne Anahatana iasau osiki. Iahata, ‘Ee, ano rirunene! Tau onone repan, mka au uni me inaha. Oyo mka me numa hutae wani amanoure rotu reini mka osi sio tamena, tea!’

Lukas 13:28

Reiso sani Anahatana irime ne mansiau nea, omi mka onoo Abraham, Isak, Yakup, runa Anahatana ne sio mamsima runa ne maunauna umau honu wasuro okata Anahatana oi. Ne omi mo, orue pan mui. Mka sinsaramo. Reiso orani. Anomo rasaa tau omi oruemo pani mui.

Lukas 6:24

Ne omi wan mo kupan kaya muie reini, mka osupu siraka. Tea mo, osupu pusire tau ruamo mo sanan nea.

Lukas 6:26

Sani sio pusiso oanamana oainaa runamo, mka osupu siraka. Moa upu moa momou oainaa runa sio wason oakarota ata sio mamsima runa Anahatana ne maunauna, aikee sae mo, tewa.

Lukas 8:53

Ne sio panesi rei oaumaniki. Tea mo, oanei nea ata ia ikine pina rei mo, imatai nea.

1 Tesalonika 5:3

Mka oasau, “Sio mai tuniai reini wason oamaturuso na umau. Tuniai mrina.” Oyo mata hun tewa, Upuri iapasanaso. Ia isa ianei tewa inasa mka Anahatana iapasanaso. Areimo sani inai tiai, oyo mata hun tewa, tiai reun. Inai ianei tewa inasa mka tiai reun. Mka Upuri iapasanaso ia isa irumai tewa. Iapasana pusiso.

Yakobis 4:9

Oatamisi mo kahatena rai. Reiso oapunoko ruamo, orani. Pene oauman ne orani. Pene anomo mirika ne kahurae anomo mtinta noso mo kahatena rai.