Lukas 6:23 - Anahatana ne Anamanaya tau Sou Naunue

²³ Sani munata mansiau openeso tanumo, kahurae okaumin. Osoman anomo mirika. Tea mo, mka Anahatana irui pahalaa mainae osimo roe noiyaha. Sani mansia openeso tanumo orati sohimo, areimo sani moa upu momou openeso tau sio mamsima runa Anahatana ne maunauna oi.

Lukas 6:23 Iomraidhean Croise

Lukas 1:41

Elisabet iatinu Maria iatapeai, oyo ia ikine wain pan saa pumono rei nisui. Elisabet ruai isupu kawasa arihoni Anahatana Ne Inaha oi.

Lukas 1:44

Uatinu ano atapeaku, oyo ia ikine wain pan saa pumono rei nisui, anoi mirike, tea!

Lukas 6:35

Ne kahurae anomo runa mo nisau. Ouna iake osiso. Orui sae wani nanie ohitiki arihonimo rei, pene anomo rauponu na ounre osimo honu. Sani ouna san rei, areimo mka Anahatana irui pahalaa wan mainae nai osa osimo. Mka ouna Anahatana wain Ia Mainae Nai osa ne hehuka. Tau Ia mo, ne iake runa sio kahatena runa sio wason oainisi iake arihoniki tewa.

Atata 14:10

Reiso Paulus iasau osiki nioi mainae, “Hitio roe. Aoo katopu!” Oyo isoman roe, oyo ieui.

Atata 3:8

Oyo isoman roe, samatoro ruai ieui suru ria, suru nau. Oyo inusui pan Anahatana ne numa mainisie ikata sio ua rei. Ieu isoman-soman iainaa runa Anahatana. Iahata, “Anahatana, ano mo, ano iake tunne nai osa. Ano asuiseneku nea rotu-tu ueu iake reini. Ano me kawasa mainae.”

Atata 5:41

Reiso ohokaso oarihoni sio onata rei. Oeuso anoo miri-mirika. Tau sae, Anahatana iahata sio iaka, reiso itapiso ouna sinsaraso noso Yesus.

2 Timotius 2:12

Munata ita iapamese sinsarata, mka irime tuniai reini ikatai. Ne munata ita iasau ata iationai tewa, mka iasau ata iationa ita tewa oi.

Yakobis 1:2

Wea kakau waniu, hutu nohue. Omi oanei nea ata sui supa man osinsaramo noso oparisaa tau Anahatana ne oparisaa sirinia. Mka oparisaa tanui rotu-tu omatamo. Osinsaramo ne oparisaa sirinia. Reiso sani osinsaramo, kahurae anomo mirika