Lukas 6:21 - Anahatana ne Anamanaya tau Sou Naunue

²¹ Anahatana irui iake osi omi wan omakaneamo muie reini. Tea mo, mka tiamo pokona. Anahatana irui iake osi omi wan orani anoo rapunokomo muie reini. Tea mo, mka oaumani anomo mirika.

Lukas 6:21 Iomraidhean Croise

Lukas 1:53

Sio wason omakaneaso, auna tiao pokona tau muai iake. Ne sio kupan kaya mo, aneiso runa hanao huia.

Lukas 6:20

Yesus inoo ne mampusua oyo iahata, “Anahatana irui iake osi omi wan omosokinimo. Tea mo, Anahatana irime ne mansiau, okatai.

Lukas 6:22

Anahatana irui iake osi omi wan mansia openeso tanumo runa orati sohimo oahata, ‘Sio mo, sio kahatena.’ Irui Iake osimo noso opusu Au Tumata Reini mo, Anahatana Ihitiku.”

Lukas 6:25

Omi wani tiamo pokona muie reini, mka usupu siraka. Mka omakaneamo. Omi wani oaumani anomo mirika muie reini, mka osupu siraka. Mka orani anomo rapunokoso.

Yohanis 11:35

Matai waena.

Yohanis 4:10

Oyo Yesus iahata, “Ina, sani ano anei Anahatana nanie irui sae osia na anei Ia sia sahoro wain iainisi tihu arihonia reini mo, mka ano ruam ainisi tihu arihoniku. Ainisi tihu oyo mka urui tihu wan reunaya amahaia.”

Yohanis 6:35

Yesus iahata, “Au reini mo, poroti wan uapuhai mansia na ikata Anahatana rotu-tu ria supan. Ia sia wain ihoka mai tanuku mo, mka imakanea tewa nea. Na ia sia wain iparisaa tanuku mo, mka anoi kasae tewa nea.

Yakobis 1:12

Anahatana mka irui iake osimo, hete sae oparisaa tanui ia-ia. Masike osinsaramo iae, mka irui iake osimo sirinia. Hete sae, oapamese anomo na oparisaa tanui sirinia. Anahatana mka irui iake osimo atieu rei sani ia wain iapataruna isupu untu sahoro isupu piala. Mka orui piala osiki. Omi iae, sani oparisaa sirinia, mka osupu piala oi. Mka oamahaimo rotu-tu ria supan okata Anahatana. Anahatana itotoe nea ata ia seia wain anoi runa Anahatana, mka iamahaiki ikatai rotu-tu ria supan.