Lukas 6:15 - Anahatana ne Anamanaya tau Sou Naunue

¹⁵ Matius, Tomas, Yakobis. Ia mo, amai tau Alpeus. Simon. Ia mo, ipenei tau sio rakana orime ne otoe.

Lukas 6:15 Iomraidhean Croise

Markus 2:14

Taa Yesus wain ieu ipusu arena pan rei, oyo inoo ia mainisi pea isa waipo iruei poe ne numa mainisi peau. Ia reimo, nanai Lewi. Amai tau Alpeus. Sio mainisi peau oakahai sio Romau na oamanou peau arihon sio Yahudiu. Sio Romau rei otapiso oakapena na onana kepen umau osi ruao oi. Reiso sio Yahudiu openeso tanso. Sio oahata sio mo, sio kahatena nai osa sani sio kimanakana. Yesus ioi ia rei ata, “Mai, na apusuku.” Lewi iatinu san rei oyo, ihitioi ipusu Yesus rei sinia.

Markus 3:18

Anreas, Pilipus, Bartolomeus, Matius, Tomas, Yakobis (amai tau Alpeus), Tadeus, Simon, ia wain inesi sio Romau na pene orime ita Israel,

Lukas 5:27

Yesus isuisene ia italae oyo ihokai nanie ieui. Inoo ia mainisi peau isa. Ia mainisi peau rei mo, nanai Lewi. Waipo iruei poe ne numa mainisi pea. Yesus iasau osiki, “Mai, na apusu Au!”

Lukas 6:14

Simon wain Yesus ihete nanai tau Petrus oi, Simon wanin Anreas, Yakobis, Yohanis, Pilipus, Bartolomeus,

Lukas 6:16

Yudas. Ia mo, amai tau Yakobis Yudas arihoni nia Kariot wain mka iahen Yesus.

Yohanis 11:16

Yesus ne mampusue isa wain nanai Tomas. Sio oiki tau Ia Iki Alaleka. Iahata, “Munata san reimo, mai na pusita ieu ikatai. Na pusita imatata ikatai oi.”

Yohanis 20:24

Ia isa arihon Yesus ne mampusua hutusa rahana ua rei, nanai Tomas. Sio saka oiki tau Didimus oi. Didimus mo, nene manarti Ia Iki Alaleka. Tau Yesus iatuhete ruai osi ami ne mampusua rei mo, Tomas waimo ikatama tewa.

Atata 1:13

Ohoka roe Yerusalem oyo, ohokaso mai numa wani sio oararane tanui, samatoro osaaso roe kamar roe naue. Sio maisosia rei wason: Petrus, Yohanis, Yakobis, Andreas, Pilipus, Tomas, Bartolomeus, Mateos, Alpeus anai wain nanai Yakobis, Yakobis anai wain nanai Yudas, runa Simon. Ia rei ipenei tau sio rakana orime ne niane.

Atata 15:13

Sio osima pusi, oyo Yakobis, ia mainae tau sio wason oparisaa roe Yerusalem, iasau san rei, “Wea kakau, wea waniu! Masi oatinu tau au.

Yakobis 1:1

Tapea osi omi Yahudiu wani oparisaa tau Yesus Kristus wani owena-wenamo sui tuniai reini pusiki. Au, Yakobis, sahoro ukanu surate reini. Au mo, Anahatana runa Upuri Yesus Kristus no manorine.