Lukas 6:14 - Anahatana ne Anamanaya tau Sou Naunue

¹⁴ Simon wain Yesus ihete nanai tau Petrus oi, Simon wanin Anreas, Yakobis, Yohanis, Pilipus, Bartolomeus,

Lukas 6:14 Iomraidhean Croise

Markus 1:19

Yesus ieui hainau mkane, ita inoo Sebedeus ne hehuka, Yakobis runa wanin Yohanis. Uaso wasopan no arupae anoe, oseka tau no ueta.

Markus 1:29

Yesus ikata Yakobis runa Yohanis, oyo tonso ohokaso oarihoni sio Yahudiu no numa mananoune rei, samatoro oeuso poe Simon runa Anreas no numa.

Markus 14:33

Oyo ieu ikata Petrus, Yakobis, na Yohanis. Anoi reuponu. Iahana anoi mtinte nai osa.

Markus 3:16

Sio hutusa rahana ua wason Yesus ihitiso rei mo, nanao: Simon (Simon mo, Yesus ihete nanai tau Petrus),

Markus 5:37

Oyo Yesus isopo na pene ia isa man inusu katai. Hasae Petrus, Yakobis, runa wanin Yohanis man.

Markus 9:2

Nene nome rei san rei oyo, Yesus ieu ikata Petrus, Yakobis, na Yohanis roe tinetae na ateso ruao. Hoka roe oyo, mai mata kahutua, sira tau Yesus imuinen nitai.

Lukas 5:8

Taa Simon, wain sio oiki tau Petrus oi, inoo san rei oyo isira. Irike tune iakapuni ain mai Yesus uai anoe iahata, “Upu. Au reini mo, upalalosa panesi. Reiso aeua arihoniku.” Ne neta mapaparia osira oi. Sio ua arihoni sio reimo, Yakobis runa Yohanis. Sabedeus ne hehuka. Oyo Yesus iasau osi Simon. Iahata, “Pene akaitau. On rahata reini mo, ano mka aeua anina ikae tewa nea. Ne mka aeua anina mansia na opusuku.”

Lukas 6:13

Taa ranie eresaa, oyo ioi ne mampusua pusiso. Ohokaso noi tanui, oyo iroma sio hutusa rahana ua arihoni ne mampusua rei. Ioiso tau ne maisosia. Sio rei mo:

Lukas 6:15

Matius, Tomas, Yakobis. Ia mo, amai tau Alpeus. Simon. Ia mo, ipenei tau sio rakana orime ne otoe.

Yohanis 1:45

Pusi oyo, Pilipus ieu isupu Natanael. Iahata, “Anoo! Ami asupu Ia waini naone Musa ikanu rerihoniki tau ne maunauna nea rei. Sio mamsima runa Anahatana ne maunauna iae oasau runa Ia rei naone nea oi. Ia mo, nanai Yesus, Yusup anai hanaie. Ia mo, ia arihoni nia Nasaret.”

Yohanis 14:8

Oyo Pilipus iahata, “Upu. Atuhete Amam osima mai. Na anoma kaia.”

Yohanis 6:5

Yesus ihetu unui inoo ria nau. Inoo san rei mo, mansia hutue wason oeuso mai tanui. Reiso iasau osi ne mampusue isa wain nanae Pilipus. Iahata, “Pilipus. Kani ihane poroti sui supa na ipana sio panesi reini?”

Yohanis 6:8

Ne Yesus ne mampusue isa honu wain nanai Anreas. Ia mo, Simon Petrus wanin. Iasau osi Yesus ata,

Atata 1:13

Ohoka roe Yerusalem oyo, ohokaso mai numa wani sio oararane tanui, samatoro osaaso roe kamar roe naue. Sio maisosia rei wason: Petrus, Yohanis, Yakobis, Andreas, Pilipus, Tomas, Bartolomeus, Mateos, Alpeus anai wain nanai Yakobis, Yakobis anai wain nanai Yudas, runa Simon. Ia rei ipenei tau sio rakana orime ne niane.

Atata 12:2

Iaisosiso ohunu Yohanis kakai wain nanai Yakobis tau tunue.