Lukas 4:42 - Anahatana ne Anamanaya tau Sou Naunue

⁴² Taa hanu omnanoe san rei, Yesus ieui arihoni kota Kapernaum. Oyo ieui noi otoe isa wani meneta nai osa na iainisi tau Anahatana. Ne sio panesi oeu oninai. Taa osupui, oyo osopoi. Oahata, “Pene aeua arihoni ma kota reini nea.”

Lukas 4:42 Iomraidhean Croise

Markus 1:45

Ne ipusu Yesus ne maunaune rei tewa. Ieu suru ria, suru nau iruni osi sio panesi. Iahata, “Yesus isuiseneku.” Reiso iruni suru ria, suru nau rotu-tu Yesus inusu niana mo, iau-iauhuniki man. Iruei iauhuniki pan otoe huia man. Ne sio on ria, on nau ohokaso mai tanui sui osa sinia.

Lukas 24:29

Ne uaso oapamesei. Oahata, “Arue katama ee! Tea mo, wapan nanie pumono nea. Ranie nanie resohui nea.” Reiso inusui nanie irue ikataso.

Lukas 6:12

Taue isa Yesus inoai na roe pupue na nanie iainisi tau Anahatana tau pumono. Iainisi rotu-tu manahane.

Yohanis 4:34

Oyo Yesus iasau osiso, “Amaku Anahatana iaisosiku na upusu ne maue na una sae waron inina na Au unare. Uamahaiku na una san rei, areimo sani Au we muaina.

Yohanis 4:40

Reiso sio Samariau rei ohokaso mai Yesus. Hoka mai, oapamanui na iruei ikataso pan no kota rei. Reiso iruei ikataso onona ua pan rei.

Yohanis 6:24

Sio panesi rei onoo Yesus runa ne mampusua wasumo rei tewa nea. Reiso osaa no arupaeu rai oyo oeuso na ria kota Kapernaum onina Yesus.