Lukas 4:34 - Anahatana ne Anamanaya tau Sou Naunue

³⁴ “Ee! Yesus, ano Nasaret. Nanie amunama? Ahokaya reini mo, nanie ahunuma si? Uaneia nea. Ano mo, Ano manisate onate. Ahokaya on roe Anahatana!”

Lukas 4:34 Iomraidhean Croise

Markus 1:24

“Yesus, Ano Nasaret. Nanie amunama? Ahokaya reini mo, nanie ahunuma si? Uaneia nea. Ano mo, Ano manisate onate. Ahokaya on roe Anahatana!”

Markus 1:34

Oyo Yesus isuisene sio panesi wason osupu kupu nita-nitaya, inei sakahatena. Ne isopo sio sakahatena rei na pene oanamana. Areimo tau raanei ata Yesus mo, Ia seia.

Lukas 1:35

Iahata, “Mka Anahatana Ne Inaha isipui tanua. Oyo Anahatana wain Ia Mainae Nai osa rei ne kawasa iaraonoa. Oyo tinaim taua. Reiso ia ikine wain mka asusui rei mo, ia manisate onate. Sio mka ooiki tau Anahatana Anai.

Lukas 4:33

Yesus iatuheteso pan sio Yahudiu no numa mananoune. Pan rei, ia isa waimo sakahatene remasuniki. Oyo sira tau iakapona mainae iahata,

Lukas 4:41

Yesus inei sakahatena arihoni sio panesi rei oi. Sakahatena rai rahokaso rakapona rahata, “Ano mo, Anahatana Anai.” Ne Yesus isoposo iahata, “Amaturumo!” Isopo sakahatena rai na pene oanamana. Areimo tau ranei ata Yesus mo, Ia Aia wain Anahatana Ihitiki na Iapuheu Mansiau.

Lukas 8:37

Pusi, oyo sio noi otoe Gerasa oasau osi Yesus. Oahata, “Upu! Aeua arihoni ma otoe rein nea!” Oasau sani rei, tau pusiso okaitau hunu ruao. Ne ia wain naone sakahatena ramasuniki rei iainisi arihoni Yesus. Iahata, “Upu! Ueu upusua oi kee!” Ne Yesus iasau osiki ata, “Pene nea! Nunia poe me numa na asima osi me mansiau rerihoni sapani na Anahatana iunaya iake nea reini.” Pusi oyo, Yesus sio osaa no arupae wan sinasi rei. Oyo, ia rei ieu iruni osi mansiau sui supan mani noi niane rei rerihoni Yesus inei sakahatena arihoniki rei.

Atata 16:39

Reiso oeuso pan pui rei oripa koku tau uaso. Oyo oautunso ohokaso rerihoni pui anoe rei oai-ainisi na sio oeu oarihoni kota rei.

Atata 2:27

Tau sae, ano atapiku tewa na mka umataku rotu-tu ria supan. Atapiku tewa na au wani au manisate onate, tinaiku rekopui.

Atata 3:14

Ia rei, ia manisate. Ia manisate onate. Ne omi openemo tanui oyo oainisi na Pilatus ihoka ia mamhunue osimo.

Atata 4:27

Poe oyo, ereeu sani iasau rei sirinia. Herodes runa Pontius Pilatus oamanouso mai kota reini nea. Oamanouso runa sio wason oationa Anahatana tewa runa sio Israel oi. Oamanouso nanie otuntana runa me manorine, Yesus wain ia manisate onate rei. Ia rei, ano ahitiki tau Ia Anahatana Iratiki Iapuheuso nea.

Yakobis 2:19

Omi oparisaa ata Anahatana mo, Ia osa man. Areimo titue. Ne sakahatena iae oparisaa ata Anahatana Ia osa man. Reiso okaitau hunu ruao rotu-tu okana-kananunu!

1 Yohanis 3:8

Ne ia seia wain ipalalosa, areimo iuna ia aia sakahatene anai. Tea mo, on Anahatana ihaye tau tuniai reini, ia aia sakahatene saka ipalalosa. Reiso Anahatana Anai ihokai mai tuniai reini na iuna puta sae waron ia aia sakahatene iunare rei.