Lukas 4:1 - Anahatana ne Anamanaya tau Sou Naunue

¹ Yesus ieu arihoni Wae Yordan, Anahatana ne Inaha iruei anoi. Oyo ne Inaha iaisosiki ieui pan otoe huie.

Lukas 4:1 Iomraidhean Croise

Lukas 2:27

Anahatana Ne Inaha iunai inusui roe Anahatana ne numa mainisie nusue. Tau rei Yesus inai runa amai orori Yesus roe Anahatana ne numa mainisie rei. Yesus mo, ia ikine asi. Ororiki nanie opusu Musa ne maunauna.

Lukas 3:3

Oyo Yohanis ieu ineka pusi otoe wan haineke Wae Yordan na iaunauso. Iaunauso san rei, “Oarihoni mo rosau na Anahatana isiru heu mo rosau rai. Oarihonre, oyo usohumo na mansiau oanei ata oarihoni mo rosau nea.”

Lukas 3:38

Kenan amai tau Enos. Enos amai tau Set. Set amai tau Adam. Adam mo, Anahatana ioiki tau anai.

Lukas 4:14

Ia aia sakahatene irea Yesus na ipalalosa. Pusi, oyo Yesus inuniki poe otoe Galilea honu. Anahatana ne Inaha irui kawasa osiki. Oyo sio oeu oruni rerihoni Yesus neka pusi otoe rei.

Lukas 4:18

“Upuri ne Inaha wain anoku. Areimo, tau ihiti Au nea na usima na Sou Iake rerihoni Anahatana osi sio mosokinia. Ia iae iaisosiku oi

Yohanis 1:32

Pusi, oyo Yohanis isima osi mansiau rerihoni sae waron Anahatana iatuhetere osiki nea rei. Iahata, “We kakau waniu ee! Anahatana wain iaisosiku na usohuso na mansiau oanei ata oarihoni no rosau rai. Iasau osiku ata, ‘Sani anoo we Inaha isipui oyo iatasohoi tau Ia isa mo, Ia rei wain mka irui we Inaha osimo.’ Taa ihokai, uationai tewa ata Ia mo, Ia seia. Ne unoo Anahatana ne Inaha isipui on roe nante nooi sani manu puane hatae isa oyo iatasohoi roe tanui samatoro uationai.

Yohanis 3:34

Ita ianei ata pusire titue tau Yesus mo, Anahatana sahoro iaisosiki. Iaisosiki na isima runa Anahatana ne maunauna. Pusire titue tau Anahatana iuna ne Inaha iruei pan Yesus anoi.

Atata 1:2

rotu-tu Anahatana iapusaai roe noiyaha. Naone Yesus iaisosi ne maisosia wason ininiso na sio oakahaiki. Iaisosiso runa kawasa rerihoni Anahatana Ne Inaha.

Atata 10:38

Oanei nea ata Anahatana ihiti Yesus, ia Nasaret rei nea. Oanei ata irui Ne Inaha osiki reiso isupu kawasa. Ieu ihori sui supan-supan iuna iake. Isuisene sio pusiso wason ia aia sakahatene iakarotaso. Tau sae, Anahatana ikata runai.

Atata 8:39

Ohokaso on poe waene rei, oyo Upuri Ne Inaha inana Pilipus iarihoniki. Ia mainae rei inooi tewa nea. Oyo ieui honu anoi mirike.