Lukas 3:3 - Anahatana ne Anamanaya tau Sou Naunue

³ Oyo Yohanis ieu ineka pusi otoe wan haineke Wae Yordan na iaunauso. Iaunauso san rei, “Oarihoni mo rosau na Anahatana isiru heu mo rosau rai. Oarihonre, oyo usohumo na mansiau oanei ata oarihoni mo rosau nea.”

Lukas 3:3 Iomraidhean Croise

Lukas 1:16

Mka iakahai omi Israel panesi na oneni anomo na opusu moa Upu Anahatana honu.

Lukas 1:77

Ano aunauso na ne mansiau oanei sapani na iapuheuso na pene Anahatana iapasanaso. Iapuheuso pusu Anahatana isiru heu no rosau.

Lukas 4:1

Yesus ieu arihoni Wae Yordan, Anahatana ne Inaha iruei anoi. Oyo ne Inaha iaisosiki ieui pan otoe huie.

Yohanis 1:28

Yohanis isohu mansiau poe nia Betania, poe Wae Yordan on poe hae rani mata msaie.

Yohanis 3:26

Oyo Yohanis ne mampusua oeuso mai tanui oasau osiki. Oahata, “Ano Ona Matuhetene! Anom repeka runa ia onate wain ikataya ria wae Yordan on pan hae rei asi te tewa? Ia wain asima nnai osima rerihoniki rei. Muie reini wain isohuso na mansiau oanei ata oarihoni no rosau nea. Sio panesi wason oeuso ria tanui. Oeu mai ami tewa nea!”

Atata 13:24

Ne Yohanis mo, iaunau sio Israel pusiso na oarihoni no rosau samatoro isohuso na mansiau oanei ata oarihoni no rosau nea. Yohanis iaunauso san rei samatoro Yesus iaunauso.

Atata 19:4

Iahata, “Yohanis isohu sio wason oarihoni no rosau. Iaunauso ata kahurae sio oparisaa tau ia mka ihokai tau muie. Ia reimo, Yesus.”

Atata 22:16

Reiso anapa sae rei? Hanu roe na ainisi na Anahatana iuna heu me rosau oyo osohumo na mansiau oanei ata oarihoni mo rosau nea.’