Lukas 23:5 - Anahatana ne Anamanaya tau Sou Naunue

⁵ Ne otentene sirinia. Oasau ata, “Ia reini iatuhete iakanihu sou na ma mansiau onesi kupania sui otoe Yudea pusiki. Iuna san rei on pan otoe Galilea asi.”

Lukas 23:5 Iomraidhean Croise

Markus 1:14

Sio oaresi Yohanis nea, oyo Yesus ieui poe otoe Galilea. Ieui poe rei, nanie isima runa Sou Iake rerihoni Anahatana.

Lukas 11:53

Oyo Yesus ieui arihon rei. Ieui arihon rei ne sio onata arihon akama Yahudi na sio matuhete Musa ne maunauna ohiti nisa runai nea. Oasei-sei tanui panesi.

Lukas 23:23

Ne oakapona mainae renesi honu. Oahata, “Pakui roe hini an reniene! Paku roe hini wan reniene!” Oaka-kapona sui osa rotu-tu Pilatus ikua tewa nea.

Lukas 23:6

Pilatus iatinu sio oasau ata Yesus iatuhete iakanihu sou on pan otoe Galilea oyo iasei, “Reiso Ia reini mo, Ia on pan otoe Galilea si?”

Yohanis 1:43

Nene han sani rei, Yesus iapamata sou nanie ieu poe otoe Galilea. Isupu Pilipus oyo iasau osiki ata, “Pilipus, mai na apusuku.”

Yohanis 19:15

Ne oakapona ata, “Hunui! Hunui! Rorui roe hini!” Pilatus iasei ata, “Onina na uroru mo Ia Aia roe hini si?” Ne sio imam no sio mainaya oahata, “Ami mo, ma aia tau Ia Aia Mainae Roma. Ma aia tamene isa tewa nea.”

Yohanis 2:11

Sae wan Yesus iunai pani kota Kana rei mo, ne sima-simane wan retuhete ata ne kawasa arihon Anahatana mataanoe. Sima-simane wani iunai rei mo, iatuhete ne kawasa wan mainae osi mansiau. Ne mampusua oparisaa tanui tau rei sirinia.

Yohanis 7:41

Sio umau honu oasau ata, “Ia reini nea rei, tea! Ia Aia wain Anahatana Ihitiki na Iapuheu Mansiau rei, tea!” Ne sio umau honu oasau ata, “Tewa te sae rei? Ia Aia waini Anahatana Ihitiki na Iapuheu Mansiau mo, ihokai on poe otoe Galilea tewa, tea!

Yohanis 7:52

Nikodemus iasau san rei oyo oasau osiki ata, “Ano reini mo, on pan otoe Galilea nooi sani ia hanaie reini oi te sae rei? Ano mo, arinii Anahatana ne maunauna ia-ia na anei ata Anahatana ne ia mamsima runa ne maunauna mo, ihokai on pani otoe Galilea tewa.” [

Atata 10:37

Oanei iuna sae. Mataanoe iuna ria otoe Galilea oyo sui otoe Yudea pusiki. Yohanis iaunauso na oarihoni no rosau oyo isohuso na mansiau oanei ata oarihoni no rosau nea, oyo Sou Iake rerihoni Yesus nene aikune ria otoe Galilea.

Atata 23:10

Sio otuntana mainae nai osa rotu-tu ia mainae tau Ia Aia Mainae Roma ne soratatua ikaitau mka sio oakinene Paulus. Reiso iaisosi ne soratatua oeuso poe, onanai rerihoni sio panesi rei, oyo ororiki roe no numa hatu honu.

Atata 5:33

Sio onata oatinu tau rei, oyo anoo ranuku-nuku ranaka-naka. Reiso nanie ohunu sio maisosia rei.

Atata 7:54

Sio onata rerihoni akama Yahudi oatinu Stefanus oasau ata ohunui, oyo anoo ranuku-nuku ranaka-naka.

Atata 7:57

Sio onata rei onopa tinao ukuna. Oakapona na pene oatinu Stefanus ianamana rerihoni Yesus san rei. Oyo pusiso oruma oamanouso mai Stefanus.