Lukas 23:32 - Anahatana ne Anamanaya tau Sou Naunue

³² Sio hanai tamena ua wasumo oi. Sio hanaia ua rei mo, sio kahatena. Sio tantarau orori uaso okata Yesus na nanie opaku hunuso roe hini wani reniene oi.

Lukas 23:32 Iomraidhean Croise

Markus 15:27

Opaku Yesus runa sio kimanakana ua roe hiniu waron raniene oi. Opaku ia isa mai Yesus hanai wanane na ia isa honu mai hanai pante.

Lukas 22:37

Tea mo, ia mamsima runa Anahatana ne anamanaya ikanu rerihoni Au nea. Reiso rei kahurae ereeu sani sae wan iasaui rei. Ikanu, ‘Ounai sani Ia mo, Ia kahatene.’ Reiso nanie ouna Au sani Au kahatene.”

Lukas 23:31

Usana tewa. Ne Anahatana itapiso ounaku san reini. Reiso oanei ata mka iapasana sio wason opalalosa mainae nai osa.”

Yohanis 19:18

Hoka roe, oyo ororu Yesus roe hini samatoro oapuooi. Ororu sio kahatena ua tau hini oi. Ia isa oapuooi hae Yesus hanai wanane, ia isa honu oapuooi hae Yesus hanai pante. Reiso Yesus wain pakarema uaso tihue.

2 Timotius 2:9

Au wani sinsaraku tau uaunauso tau Sou Iake rei. Ne masike sio onusuku pan pui anoe iae, oyo okanihooku tau ranta sani au kahatene, Anahatana ne Sou Iake rei, sio bisa okanihooi tewa. Sio bisa onetei tewa.