Lukas 22:32 - Anahatana ne Anamanaya tau Sou Naunue

³² Ne, Simon, uainisi osia nea na aparisaa tanuku sirinia. Reiso mka ireaya suka, aparisaa tanuku honu, saka aunau mea kaka waniu wason oparisaa na oparisaa mainae honu.”

Lukas 22:32 Iomraidhean Croise

Markus 14:72

Mata hun tewa oyo, manue retunkeko honu. Retunkeko nai ua nea. Oyo Petrus anoi repeka na Yesus ne anamanae. “Mka-mka mono repan, manue retunkeko nai ua tewasi oi mo, ano auhaa nai tonu nea ata ationaku.” Reiso Petrus iran anoi repunoko nai osa.

Markus 16:7

Ne masi oeu orun osi Petrus na ne mampusua pusiso. Osima osiso ata, ‘Yesus wain ieu ianaone poe otoe Galilea nea. Poe rei, omi mka onooi sani naone iasau osimo rei.’”

Lukas 8:13

Atuhu kania umau honu waroni ramnahu tuama hatu lekau mo, atieu rei sani sio wasoni oatinu Anahatana ne anamanaya, oyo oatarimare anoo mirika. Ne oapamese kua tewa sani atuhu waron nene namta tewa mo, rapamese kua tewa. Areimo oparisaa rotu-tu potuina tewa. Osupu masana, oyo oparisaa tau Anahatana tewa nea.

Yohanis 14:19

Wan haineke nea oyo sio mai tuniai reini wason Anahatana ne mansiau tewa, mka onooku tewa nea. Ne omi mo, mka onooku sinia. Tau Au mka uamahaiku honu, reiso omi iae mka oamahaimo honu oi.

Atata 3:19

Reiso oarihoni mo rosau. Onunimo mai Anahatana na iuna heure,

2 Timotius 2:18

Sio reimo oatuhete pannuhu tewa rotu-tu sio umau oanei tewa nea kahurae oparisaa sae. Sio reimo oasau ata Anahatana iapuhai sio matana nea. Reiso sio umau oparisaa tau maunau titue tewa nea.

Titus 1:1

Anaku Titus, Au, Paulus, ukanu surate reini. Au wani Anahatana ne manorine runa Yesus Kristus ne maisosie. Ihitiku na uakahai sio wason ininiso na ouna ne mansiau. Uakahaiso na oparisaai ia-ia. Ihitiku na sio oanei maunau titue waron rakahaiso oamahaiso ouna-una sae waron Anahatana ne suka man.

1 Yohanis 2:19

Kristus ne nisau reimo, naone okatata. Ne muie reini mo, okatata tewa nea. Sinana titue-tue oparisaa tau Kristus ia-ia mo, mka okatata sui osa. Ne okatata tewa nea so, ianei ata sio mo, titue-tue oparisaa tau Kristus tewa.