Lukas 21:7 - Anahatana ne Anamanaya tau Sou Naunue

⁷ Oasei tau Yesus. Oahata, “Ano ona matuhetene. Sae waron Ano asau runare mo, inasa rayari? Na sani munata nanie rayari nea mo, nene kakinate wan sapan?”

Lukas 21:7 Iomraidhean Croise

Markus 13:14

Mka onoo sio oapuoo sae isa wan repaputi reiso reuna Anahatana ieui arihon ne numa. Anahatana isopo na pene oapuooi pan ne numa rei. (Ano wan ahatae tau surate reini, atinu ia-ia na anei.) Sio oapuooi, oyo kahurae omi wan oruemo pan otoe Yudea mo, orumamo na roe tinetaya nea.

Lukas 21:32

Atinu mai ia-ia nanie asau osimo. Titue! Sae waron mato uasau runare osimo reini, mka rayari oni omi naene rei omata tewasi.

Lukas 21:6

“Sae man waron onoore tau numa mainisie reini, mka ranie hatae isa okuka Anahatana ne numa mainisie reini na hatu rai ratanuhaha tewa nea. Hatu rai rakukaso rarihoni nahaya.”

Lukas 21:8

Yesus iasau osiso, iahata, “Osaka ruamo ia-ia. Pene tu-tu mansiau oakarotamo rerihoni rai pusire. Mka sio panesi ohoka oasau ata, ‘Au mo, au Aia wain Anahatana Ihitiku na Uapuheu Mansiau.’ Mka sio umau honu oasau ata, ‘Tuniai nanie repena nea.’ Ne pene opusu sio rei.