Lukas 21:35 - Anahatana ne Anamanaya tau Sou Naunue

³⁵ Sio pusiso mai tuniai reini mo, mka osira tau uhokaku honu. Tea mo, ia sia man mka iauhuniki arihoni Au tewa.

Lukas 21:35 Iomraidhean Croise

Lukas 17:37

Yesus ne mampusua oatinu san rei oyo oasei tanui. Oahata, “Upu! Mka araimo rayari napi supa?” Oyo Yesus iasau ata, “Sani manua waron saka raai matane mo, rarihuso ramanouso roe naniake isa wan matane wamo rei, mka Anahatana iapasana sio wason kahatena.”

Lukas 21:34

Yesus iasau osi ne mampusua ata, “Osaka ruamo ia-ia. Pene tu-tu sira tau uhokaku honu mo, omi wani pataparimo tau maise onata, oninu omukemo, na orue anomo rauponu na mo muaine mo apia. Tea mo, mka uhokaku honu mai tuniai reini, osira. Osira nooi sani maianane rei reasira heune.

Lukas 21:36

Reiso, omi mo, kahurae osaka ruamo ia-ia sui osa. Oainisi na oamkona oapamese sani rai pusire rayari. Oainisi na oo okaitau tewa sani onoo Au Tumata Reini mo, Anahatana Ihitiku.”

Atata 17:26

Ihaye sio niana pusiso rerihoni ia osa man na sio orueso sui supan-supan man mai tuniai reini. Naone iasau inasa oamahaiso runa orueso supa samatoro oamahaiso.