Lukas 2:47 - Anahatana ne Anamanaya tau Sou Naunue

⁴⁷ Sio pusiso wason oatinui rei osira runa sapani na ianei san rei. Osira runa sapani na isana tau sio matuhetena rei.

Lukas 2:47 Iomraidhean Croise

Markus 1:22

Sio wason oatinui rei, osira tau ne anamanaya rai. Tea mo, iatuhete runa ne kawasa. Iatuhete san sio matuhete Musa ne maunauna tewa.

Markus 11:18

Sio imam no sio mainaya na sio matuhete Musa ne maunauna oatinu tau rei. Reiso onina arena nanie ohunu Yesus. Oananai tau sio mansiau pusiso osira oatinu ne anamanaya.

Markus 6:2

Hoka poe oyo iatuhete tau ranie hatae wan ita Yahudiu iamuira Anahatana pan re numa mananoune. Sio panesi wason pan rei oi. Iatuheteso oyo sio wason oatinu rei, osira. Oasei, “Ia reini mo, isupu ne maunauna rai on supa? Ianei sae waron iaka runa sae waron iaka tewa on supa? Sapan na imaha iuna sima-simana arihon Anahatana rei?

Lukas 2:18

Reiso sio wason oatinu sio mamsakaya oruni rei, osira.

Lukas 2:46

Onona ua san rei samatoro osupui roe Anahatana ne numa mainisie nusue. Osupui mo, wairo irue ikata sio matuhetena. Irue iatinuso. Irue iasei-asei tau sio matuhetena rei.

Lukas 4:22

Sio pusiso wason oatinu oasau ata, “Ira! Iatuhete iake maa! Ne anamanaya waroni iasaure reimo, pusire iaka.” Oasei, “Ia reini mo, Yusup anai si?”

Lukas 4:32

Sio wason oatinui rei, osira tau ne anamanaya rai. Tea mo iatuhete runa ne kawasa.

Yohanis 7:15

Sio Yahudiu no sio mainaya osira oatinu Yesus iatuhete sio panesi roe rei. Oasau ata, “Ia reini mo, isikola akama tewa, tea! Reiso sapan na ianamana sani rei?”

Yohanis 7:46

Oyo sio mamsakaya rei oasau ata, “Rotu reini ami atinu ia sia man ianamana sani ia onate rei tewasi.”