Lukas 2:28 - Anahatana ne Anamanaya tau Sou Naunue

²⁸ Reiso Simeon ihetei, oyo iainisi iainaa runa Anahatana san rei,

Lukas 2:28 Iomraidhean Croise

Markus 10:16

Oyo ihete sio ikina rei samatoro iahusieso. Iahusieso, oyo iainisi osiso ata, “Ama. Uainisi na arui iake osi sio ikina reini na okarihuru oamahai.”

Markus 9:36

Oyo ioi ia ikine isa oyo, iunai iooi kua tihue, oyo inahiki. Iasau osiso ata,

Lukas 1:46

Maria iahata, “Upu. Uainaa runaya.

Lukas 1:64

Mata hun tewa oyo, iahana mein manne oyo sira tau ianamana honu. Iakumoui tewa nea. Oyo iainaa runa Anahatana.

Lukas 1:68

“Upuku Anahatana. Upuku iake tunne nai osa reiso uainaa runaya. Upu mo, Anahatana wani ami Israel ainaa runaya. Tau sae? Upu akahaima. Akahai me mansiau nea. Ausi mani rosau nea.

Lukas 2:20

Sio mamsakaya rei onunso pan naniao wani osaka-saka no rompau rai oai-ainaa runa Anahatana. Oahata, “Mania Upu Anahatana. Ami ainaa runaya tau Ano mo, Ano iake tunne nai osa. Ano aisosi me maisosie rei isima runa ia ikine rei osima. Ami aeuma poe tanui nea. Asupui pannuhu runa me maisosie rei iasau rei.”

Lukas 2:27

Anahatana Ne Inaha iunai inusui roe Anahatana ne numa mainisie nusue. Tau rei Yesus inai runa amai orori Yesus roe Anahatana ne numa mainisie rei. Yesus mo, ia ikine asi. Ororiki nanie opusu Musa ne maunauna.

Lukas 2:29

“Upuku Anahatana. Arime tuniai reini pusiki. Upuku, Ano mo, Ano iake tunne nai osa reiso uainaa runaya. Auna sani atotoe osiki nea, reiso atapi me manorine au, na umataku anoku kaie.