Lukas 2:13 - Anahatana ne Anamanaya tau Sou Naunue

¹³ Osira tau Anahatana ne maisosia on roe noiyaha panesi honu okata ia maisosie wain sinasi rei. Pusiso oainaa runa Anahatana oahata,

Lukas 2:13 Iomraidhean Croise

Lukas 15:10

Uasau osimo. Anahatana ne maisosia roe noiyaha iae wason sani rei oi. Anoo mirika sani ia isa waini saka ipalalosa iarihoni ne rosau rai.”

Lukas 2:12

Areini mo, kakinate na oanei ata osupu ia ikine rei wain mato iamrae. Inai iasinehai tau nipa hiraya nea. Mka osupui waipo inekei poe makapanau nene muaia naniae.”

Lukas 2:14

“Mania Upu Anahatana. Ano wan roe noiyaha, roe naue mo, Ano mainae nai osa. Ano mo, ano iake tunne nai osa. Sio pusiso wason anom iake runaso mai tuniai reini oi neta tanua nea.”

1 Timotius 3:16

Ia isa bisa iauhaa tewa ata maunauna rai iaka nai osa. Maunauna waron naone mauhunta ne Anahatana iatuheteta tanure nea. Maunauna waron ratuheteta iamahaita iuna sae waron Anahatana ne suka man. Maunauna rai iaka tau ratuheteta rerihoni Ia wain iatuhete ruai osita nitai tumata. Anahatana Ne Inaha iatuheteta ata ia rei anoi manisate. Anahatana ne maisosia on roe noiyaha onooi. Sio osima nnai osi sio niana-niana. Sio mai tuniai reini oparisaai. Anahatana iapusaai roe noiyaha, naniai wani rinane eresita ita-itane.