Lukas 19:21 - Anahatana ne Anamanaya tau Sou Naunue

²¹ Ukaitaua. Areimo tau upuku ano mo, aisosi ia isa inana osia mo, anina na inana kahi-kahiki. Upuku, ano iae, saka anana sio umau no untu. Areimo noo sani ia isa wain iai nisi wan ruai irahui tewa.’

Lukas 19:21 Iomraidhean Croise

Lukas 19:20

Ia manorine isa honu ihokai honu. Iahata, ‘Upu, mai me ai totue inate osa wani aruiki osiku rei. Uopai tau we mamkusa hana oyo uauhuniki. Uauhuniki na pene tihoniki.

Lukas 19:22

Upui rei iahata, ‘Ano mo, ano manorine wan me kahatene! Au mo, mka uapasanaya repusu sae wan asaui rei. Areimo tau ano anei au mo, we makae. Au mo, unana sio umau no untu. Uai nisi wan urahui tewa.

2 Timotius 1:7

Auna me tanei rei tau Anahatana irui Ne Inaha osita. Anahatana Ne Inaha rei iuna ita ikaitau tewa. Ne iuna ita ianori runa Anahatana. Ianori runa ne kawasa. Iuna ita anori runa Anahatana ruai runa tumatau oi. Iuna ita iapamese anori.

Yakobis 2:10

Masike ia isa ipusu Anahatana ne maunaune isa man tewa oi iae, areimo ipalalosa noo sani ipusu ne maunauna pusire uture tewa oi.

1 Yohanis 4:18

Ia seia man wain anoi runa Anahatana mo, ikaitaui tewa. Reiso, sani Anahatana wain anoi runa mansia pusu ita ipusu Ia ruai ne maue, ikaitaui iake tewa. Rotu-tu ikaitau Anahatana mo, hasae sani ikaitau ata Anahatana mka iapasanata. Reiso sani ia seia ikaitau Anahatana, areimo ia rei itapi Anahatana iunai anoi runa mansiau tewa. Aikee Anahatana ruai ne maue nanie anoi runa mansia pusu ia rei.