Lukas 18:32 - Anahatana ne Anamanaya tau Sou Naunue

³² Sio Yahudiu mka oruiku osi sio wason sio Yahudiu tewa na oaumaniku, okumateneku, na ohutoku.

Lukas 18:32 Iomraidhean Croise

Markus 14:65

Oyo sio umau ohuto Yesus, okanihoo nete matai usena na inoo mosa tewa, oyo ohitai oaumaniki. Oasau osiki ata, “Masi asima mai. Ia seia ihitaya?” Sio mamsakaya ohita Yesus panesi oi.

Markus 15:1

Nene omnano tunne san rei, sio imam no sio mainaya, sio matuhete Musa ne maunauna na sio ona Yahudi nesia rei pusiso oapamata sou. Okanihoo Yesus, oyo ororiki poe gubernur wain nanai Pilatus.

Lukas 18:33

Osapuku tau awane unie oyo ohunuku. Ne nene poua san rei, uamahaiku honu.”

Lukas 23:1

Sio onata arihoni akama Yahudi oapisara runa Yesus pusi oyo pusiso ororiki poe gubernur wain nanai Pilatus.

Lukas 23:11

Oyo Herodes runa ne tantarau oataenai oaumaniki. Oyo oausahu papi aia osiki, samatoro Herodes iaisosiso ororiki poe Pilatus honu.

Lukas 23:35

Sio panesi wasumo ooso oasumata. Sio mainaya arihoni akama Yahudi iae wasumo oataena Yesus oahata, “Iapuheu mansia tamena. Reiso, munata Ia mo, titue Ia Aia wain Anahatana Ihitiki na Iapuheu Mansiau wain Anahatana ininiki, areimo, tapiki na iapuheu ruai.”

Yohanis 18:22

Yesus wain ianamana, sira tau ia mamsakae isa iasapana uai anoe. Iahata, “San rei si? Anamana na sio imam no ia mainae san rei si?”

Yohanis 18:28

On punano tunne asi oi mo, sio orori Yesus on poe Kayapas oeuso roe Pilatus ne numa aia. Pilatus mo, sio Romau no gubernur. Tau rei mo, sio Yahudiu wason oamanaru Yesus rei mo, openeso onususo pani Pilatus ne numa aia. Areimo tau Pilatus mo, ia Yahudi tewa. Sio Yahudiu no monne mo, resoposo na pene onusu sio wason sio Yahudiu tewa no numa. Sani onesi na onusu, areimo oapaputi ruao. Mka oaiso tau karisaa anoma rapeka na Anahatana ihoka ma upu momou arihon otoe Mesir tewa nea.

Yohanis 18:30

Oyo sio rei oasau ata, “Ia reini mo, ia kahatene. Reiso aroriki mai tanua reini.”

Yohanis 18:32

Oasau san rei na sae wan Yesus iasau rerihon mka imatai sapan rei reeu.

Yohanis 18:35

Oyo Pilatus iahata, “Ano ata kan au rein mo, au Yahudi si? Sio wason ororia mai tanuku rei mo, ruam me mansiau na me sio imam no sio mainaya. Reiso asau mai, auna sana sae?”

Atata 2:23

Aikee orui Yesus osi sio umau ohunui, oyo omi otapi sio kahatena opakui roe hini wani renienei. Reiso omi ohunui. Ne areini erepusu Anahatana ne kaheute. Ianeiki naone.

Atata 3:13

Anahatana wain Abraham, Isak, Yakup, runa rea momou rea upu pusiso oainaa runai iuna mainae tau Yesus, ia ne manorine nea. Yesus rei, omi oruiki osi sio wason no kawasa ohunui. Pilatus nanie ialapasiki ne omi openemo.