Lukas 17:7 - Anahatana ne Anamanaya tau Sou Naunue

⁷ Yesus ianamana osi ne mampusua. Iahata, “Sani ia isa arihoni omi reini mo, ne ia manorine isa. Ia manorine rei ne pakarian mo, ieti me nisi te isaka me rompau. Taa inuni on ria nisi, hoka poe, ano auna sae? Asau osiki ahata, ‘Mai rue roe na iaita.’ Areimo, tewa tea!

Lukas 17:7 Iomraidhean Croise

Lukas 13:15

Ne Yesus iasau osi ia mainae rei. Iahata, “Ee, omi makarotana wason oahata ruamo manisata! Ohuka pusimo makapanau waron oapiarare tau ranie hatae wan ita Yahudiu iamuira Anahatana, oyo oeu ororire raninu, tea!

Lukas 14:5

Pusi, oyo iasei tau sio onata rei. Iahata, “Arihoni omi reini pusimo, sani mo hehuke isa te, koropou hatae isa remnahui poe parike anoe tau ranie hatae wan ita Yahudiu iamuira Anahatana mo, ohokai on sin te tewa?”

Lukas 17:26

Ne orase wani Au Tumata Reini mo, Anahatana Ihitiku, nanie uhokaku mai tuniai reini honu, mka mansiau ouna sani naone ouna tau Nuh ne naene.

Lukas 17:6

Yesus iasau ata, “Kanapua kanie mo, ikine man. Ne reruhu reuna ai onate. San rei oi na omi. Sani oparisaa mkane man sani kanapua kanie ikine rei, omi mo, mka oasau tau ai onate isa ata, ‘Ai onate! Asukaya arihon naniam na aeu nau nuae na aruhu nau rei!’ Oyo orase rei sirinia, ai rei resukai nau nuae.”

Lukas 17:8

Ne ano mka asau osiki ata, ‘Eu na atanunu na aeu asohua. Oyo hoka mai na aooa anori runaku rotu-tu uai suka. Uai suka samatoro ano aia!’