Lukas 17:22 - Anahatana ne Anamanaya tau Sou Naunue

²² Mka nene orase wamo tau onina nanie onoo Au Tumata Reini mo, Anahatana Ihitiku rei. Nanie onooku urime we mansia, masike hasae onone osa-sa man. Ne mka onoo tewa.

Lukas 17:22 Iomraidhean Croise

Markus 2:20

Ne mka sio umau osota ia hehuke rei, samatoro sio wason noi karisaa rei oamaon iake.

Lukas 13:35

Reiso Anahatana ihuka hanai arihoni pusimo nea. Ipenei tau isaka mo kota nea. Reiso oatinu ia-ia! Oni orase repan omi mo, mka onooku tewa nea rotu mka oasau ata, ‘Anahatana irui iake osi ia waini ihokai mai tuniai reini runa Anahatana ne kawasa.’”

Lukas 5:35

Ne mka sio umau osota ia hehuke rei, samatoro sio wason noi karisaa rei oamaon iake.”

Yohanis 12:35

Oyo Yesus iahata, “Au sani Manahane. Mka ukatamo potuina tewa nea. Manahane rei wain ikatamo. Reiso, oni Manahane reini wain asi, oamahaimo pan Manahane rei. Pene tu-tu pumono renetemo. Areimo, tau ia seia wain ieu tau pumono mo, ianei mosa arena tewa.

Yohanis 13:33

We hehuka, potuina tewa nea mka ukatamo tewa nea. Omi mka oninaku. Ne okataku roe rei iake tewa. Areimo, uasau runai osi sio onata arihon akama Yahudi naone nea. Oyo wan uasaui osi omi muie reini honu reini.