Lukas 15:8 - Anahatana ne Anamanaya tau Sou Naunue

⁸ Yesus iruni runa matieue isa. Atinui san rei, “Ia pina isa ne ai totu perak inata hutusa waron nene hunonia mainaya. Sani ne ai totue inate isa tihoniki mo, mka iuna sae? Mka inai kamane, inana kasanate, oyo ikopa numa anoe rei sui osa rotu-tu isupui, tea!

Lukas 15:8 Iomraidhean Croise

Lukas 15:7

Uasau osimo. Roe noiyaha mo, mka sani rei oi. Sani ia isa wain saka ipalalosa oyo iarihoni ne rosau nea, mka sio wason roe noiyaha anoo mirika. Sio mo, anoo mirika nai osa sani ia isa waini saka ipalalosa rei iarihoni ne rosau renesi sio hutu sia rahana sia wasoni oata kani opalalosa tewa rotu-tu kahurae oarihoni no rosau.”

Lukas 15:9

Oyo sani isupui, oyo ioi ne netau runa ne mansiau sui ne numa nusue. Oyo iahata, ‘Mai na pusita anori mirika. Tea mo, usupu we ai totue inate wani tihoniki rei nea!’

Lukas 19:10

Areimo tau, Au Tumata Reini mo, Anahatana Ihitiku uhokaku na unina sio palalosaya na uapuheuso na pene Anahatana iapasanaso. Sio sani sio wason oamaninuso.”

Yohanis 10:16

Au iae we rompau tamena wason oamanouso tewasi na we rompau waron mai koka. Reiso Au iae kahurae urorire na uamanou pusire tau osa. Rompau tamena rai oi mka raatinu nioku. Rompau rai pusire mka ramanouso tau osa. Au mka una mamsakae tau pusire.

Yohanis 11:52

Yesus panokoi ikati sio Yahudiu man tewa. Ne, panokoi ikati Anahatana ne mansiau wason owena-wenaso mai tuniai rein. Na iamanou pusiso tau osa.

Atata 19:19

Sio wason naone ouna pakakasi oamanou no surata pakakasi rai, oyo oakanupure. Oakanupure na sio panesi oasumata. Surata rai nene hunonia mainaya. Pusire sani sanaa inata nihu hutu nima.