Lukas 15:30 - Anahatana ne Anamanaya tau Sou Naunue

³⁰ Ne noo! Anam hanaie ieu ipesi sai-sai ne ai totua waron isupure arihoni ne rusun pahakian waroni asamare osima rei. Ipesi sai-saire na sio pina numa naua! Waini inuniki mai tanua, oyo ano ahunu koropou anae wani pokotuene osiki!’

Lukas 15:30 Iomraidhean Croise

Markus 12:44

Sio kupan kaya rei onusu no kepen nesia na oruire osi Anahatana. Ne ia pina uhanu mosokinie rei mo, ne kepen tau ne muaine onon ranie rei mo, inusu pusire noi peti kepen na iruire osi Anahatana.”

Lukas 15:29

Ne ia ikine manonte iasau osi amai, ‘Atinu ama! Potuina reini upakarian sani me maniane osia. Uatinu tanua na upusu me maue sui osa. Ne auna sae osiku? Arui une-une anae hatae isa man osiku man tewa oi. Aruiki osiku na una karisaa na uai kata we netau man tewa oi!

Lukas 15:31

Ne amai iasau, ‘Anaku, ano mo, akataku sui osa. We sae man, araimo osi ano oi.

Lukas 15:32

Ne wanim reini mo, nooi sani imatai nea. Ne wain iamahaiki honu. Nooi sani tihoniki, ne isupui honu. Reiso ita mo, kahurae anori mirika na iuna karisaa iai ikata umau.’”

Lukas 18:11

Ia onate arihoni akama Yahudiu rei ihitio iainisi iahata, ‘Upu, uainisi iake arihonia tau au mo, nooku sani sio tamena tewa. Ukimanaka tewa, uakarota mansia tewa. Usahu-sahu sahaku tewa. Nooku sani ia mainisi peau reini tewa.