Lukas 14:21 - Anahatana ne Anamanaya tau Sou Naunue

²¹ Pusi oyo, ia manorine rei inuniki poe numa. Oyo iruni pusire osi ia karisaa upue. Iatinu san rei, oyo anoi resaa nai osa. Oyo iaisosi ia manorine rei honu. Iahata, ‘Munata san rei mo, mai na aeua pusu arena onata runa arena kote-kote mai kota reini. Oyo rori sio mosokinia. Rori sio wasoni no patana katemaya tewa. Rori sio mata putia. Rori sio wason oeu seu-seu.’

Lukas 14:21 Iomraidhean Croise

Lukas 14:13

Ne sani auna karisaa mo, aoi sio mosokinia. Aoi sio wasoni no patana katemaya tewa. Aoi sio wason oeu seu-seu. Aoi sio mata putia.

Lukas 14:20

Ia isa honu iasau ata, ‘Pene anom resaa. Uhoka iake tewa. Tea mo, mato we hutupau pusi.’

Lukas 14:22

Oyo ia manorine rei iasau ata, ‘Upu, sae wani ano aisosiku runai reimo, unai nea. Ne noo nasae rei mo, wani huie panesi asi!’

Lukas 14:24

Uasau osimo. Ia sia wain uoiki mataanoe rei nea, ne ihoka tewa mo, mka iai nasae rei tewa oi!”

Lukas 24:47

Okanu ata we mampusua mo, mka oeu osima ata mansia pusiki kahurae oarihoni no rosau. Oarihoni no rosau oyo Anahatana mka iapasanaso tewa nea. Mka osima on mai kota Yerusalem rotu-tu sio niana-niana pusiso mai tuniai reini. Osima na Au Aia reini we kawasa.

Lukas 9:10

Yesus ne maisosia osima runa Sou Iake rerihoni Yesus na osuisene sio kupua, oyo onunso poe Yesus honu. Hoka poe, oyo osima runa sae waron ounare rei pusire osiki. Osima pusi, oyo Yesus ieu ikataso poe nia Betsaida na sio ruao man.

Yohanis 9:39

Oyo Yesus iasau honu. Iahata, “Uhokaku mai tuniai reini mo, nanie uarinii ia sia wain ia manisate, ia sia wain ia manisate tewa. Uatuhete arena osi sio wason oationa Anahatana tewa na oationai. Areimo noo sani una ia mata putie inoo. Ne sio wason oasau ata oationa Anahatana mo, Au mka uatuhete ata sio mo, oanei sae isa tewa. Areimo sani sio wason ata kani onoo mosa, oyo sira tau onoo mosa tewa.”

Yakobis 2:5

Wea kakau waniu, hutu nohue wani anoku runamo. Masi atinu. Anahatana iroma sio wason mosokinia, tea! Ne iromaso na oparisaa tau Yesus Kristus ia-ia. Sani oparisaa, mka onooso sani sio kaya. Tea mo, mka tau Anahatana irime ne mansiau mo, okatai. Itotoe ata sio wason anoo runa Anahatana, mka okatai.