Lukas 12:9 - Anahatana ne Anamanaya tau Sou Naunue

⁹ Ne sani ia seia iasau osi sio umau ata ia mo, ipusu au tewa, areimo mka uasau osi Anahatana ne maisosia roe noiyaha ata ia reimo, Au we mampusue tewa oi.

Lukas 12:9 Iomraidhean Croise

Markus 8:38

Tau naene wason opalalosa reini mo, wason oarihoni Anahatana na oainaa runa sio tamena, munata ia isa iaumaa iamanaku ata iparisaa tau Au runa we maunauna, Au, Tumata Reini mo, Anahatana Ihitiku iae, mka tau uhokaku honu, upeneku uamanaku ata uationa ia rei oi. Mka uhokaku honu, oyo sio onooku. Onooku ita-itaku sani Amaku Anahatana na ne maisosia on roe noiyaha wason sio manisate onate.

Lukas 15:10

Uasau osimo. Anahatana ne maisosia roe noiyaha iae wason sani rei oi. Anoo mirika sani ia isa waini saka ipalalosa iarihoni ne rosau rai.”

Lukas 22:57

Ne Petrus iahata, “Tewa, ina! Au mo, uationa Ia rei tewa!”

Lukas 9:26

Munata ia isa iaumaa iamanaku ata iparisaa tau Au runa we maunauna, Au Tumata Reini mo, Anahatana Ihitiku iae, mka tau uhokaku honu, upeneku uamanaku ata uationa ia rei oi. Mka uhokaku honu, oyo sio onooku. Onooku, ita-itaku sani Amaku Anahatana na ne maisosia on roe noiyaha wason sio manisate onate.

2 Timotius 2:12

Munata ita iapamese sinsarata, mka irime tuniai reini ikatai. Ne munata ita iasau ata iationai tewa, mka iasau ata iationa ita tewa oi.

1 Yohanis 2:23

Ia seia wain ipenei iparisaa tau Anai mo, mka anoi osa na Amari tewa. Ne ia seia wain iparisaa tau Anai mo, anoi osa na Amari oi.

1 Yohanis 2:28

Reiso we hehuka. Kahurae anomo osa runa Kristus sui osa, na mka ihokai honu, pene ikaitau isupui. Pene iaumaa.