Lukas 12:20 - Anahatana ne Anamanaya tau Sou Naunue

²⁰ Ne Anahatana iasau osiki. Iahata, ‘Ee, ano rirunene! Tau onone repan, mka au uni me inaha. Oyo mka me numa hutae wani amanoure rotu reini mka osi sio tamena, tea!’

Lukas 12:20 Iomraidhean Croise

Lukas 11:40

Omi rirunena! Ita ianei ata Anahatana wain ihaye tau tinairi mo, ihaye tau anori oi.

1 Tesalonika 5:3

Mka oasau, “Sio mai tuniai reini wason oamaturuso na umau. Tuniai mrina.” Oyo mata hun tewa, Upuri iapasanaso. Ia isa ianei tewa inasa mka Anahatana iapasanaso. Areimo sani inai tiai, oyo mata hun tewa, tiai reun. Inai ianei tewa inasa mka tiai reun. Mka Upuri iapasanaso ia isa irumai tewa. Iapasana pusiso.

1 Timotius 6:17

Aisosi sio wason sio kupan kaya mai tuniai reini na pene ohati ruao. Pene anoo tau apia panesi. Sio oanei tewa kani mka tihonre. Ne aisosiso na anoo tau Anahatana. Tau sae, irui pusire panesi-panesi osita na ita ikaumin runare.

1 Timotius 6:7

Ita iamrae mai tuniai reini, irori saisa tewa. Mka imatata rerihoni tuniai reini, irori saisa tewa sirinia.

Yakobis 4:14

Aikee oanei tewa. Kani hanu roe mo, mka sapan? Oamahaimo te, omatamo te? Omi oanei tewa. Omi noo sani sohue. Sira tutui, sira tihoniki.