Lukas 10:41 - Anahatana ne Anamanaya tau Sou Naunue

⁴¹ Ne Yesus iasau osiki iahata, “Marta, Marta. Pataparia anom reuponu runa sae man.

Lukas 10:41 Iomraidhean Croise

Markus 4:19

ne anoo rauponu runa tuniai reini. Nanie onina kepen runa apia panesi man. Reiso Anahatana ne anamanaya rasapa pan anoo. Reiso sio mo, sani atuhu waron rauhua tewa rei.

Lukas 10:38

Yesus na ne mampusua ohitio oeuso honu, nanie oeuso pan kota Yerusalem. Oyo ohokaso pan niane isa. Pan niane rei ia pina isa wain nanai Marta iapusaaso poe ne numa.

Lukas 10:40

Ne Marta mo, wain patapariki inana muaina osi Yesus sio. Reiso, iatinu Yesus ne anamanaya tewa. Oyo ieui ihaineke Yesus iahata, “Upu, masi anoo ee! Waniku itapi au ruaku unana pusire. Oo ia mo, iru-ruei man. Aisosiki na inana iakahaiku.”

Lukas 12:22

Yesus asau osi ne mampusua. Iahata, “Reiso nanie uasau osimo. Pene anomo rauponu runa muaine onone ranie te api sae waron nanie opakere tau oamahaimo mai tuniai reini.

Lukas 21:34

Yesus iasau osi ne mampusua ata, “Osaka ruamo ia-ia. Pene tu-tu sira tau uhokaku honu mo, omi wani pataparimo tau maise onata, oninu omukemo, na orue anomo rauponu na mo muaine mo apia. Tea mo, mka uhokaku honu mai tuniai reini, osira. Osira nooi sani maianane rei reasira heune.

Lukas 8:14

Atuhu kania waroni ramnahu mono unia mo, atieu rei sani sio wasoni oatinu Anahatana ne anamanaya oyo opusure. Ne anoo raupono runa tuniai reini, onina kepen runa apia panesi man, na nanie tau no sanan mai tuniai reini mani. Sio wasoni sani rei mo, mka no hali pannuhu na Anahatana ne anamanaya tewa. Noo sani atuhu waron nene huaya tewa.

Yohanis 11:1

Ia hanaie isa wain nanai Lasarus. Ia mo, irue poe nia Betania. Iruei ikata ne hotau sio ua. Ne hotau rei nanao mo, Maria na Marta. Maria sahoro mka isona Upuri Yesus ain atua tau mina hau rihue samatoro ikusa Yesus ain atua tau ne huau. Taue isa Lasarus ikupui mtinte.

Yohanis 11:5

Yesus anoi runa Maria, Marta, na Lasarus.

Yohanis 12:2

Sio poe niane rei ouna nasa mainae tau nanie oamuira Yesus. Marta sahoro ireha muaina rai, oo Lasarus ikata sio wason orue oaiso okata Yesus.

Pilipi 4:6

Pene anomo rauponu runa sae man. Ne oanamana osi Anahatana rerihoni sae man. Osima runa pusire osiki. Ainisi sae waron osupure tewasi. Sani munata iakahaimo nea, areimo oasau oahata, “Upuku, ano mo, ano iake nai osa. Tea mo, uainisi arihonia, akahaiku nea.”