Lukas 10:39 - Anahatana ne Anamanaya tau Sou Naunue

³⁹ Ia pina rei mo, wanin isa wain nanai Maria. Maria mo, iru-ruei poe Yesus ain atua iatinu ne anamanaya.

Lukas 10:39 Iomraidhean Croise

Lukas 10:42

Ne hasae osa man sahoro ininai iake. Maria inini sae wani iake mainae, reiso pene ia isa isopoi.”

Lukas 2:46

Onona ua san rei samatoro osupui roe Anahatana ne numa mainisie nusue. Osupui mo, wairo irue ikata sio matuhetena. Irue iatinuso. Irue iasei-asei tau sio matuhetena rei.

Lukas 8:35

Osima, oyo pusiso ohokaso, nanie onoo. Hoka nau Yesus sio oyo osupu ia hanaie wain naone sakahatena ramasuniki rei. Onooi waimo iruei haineke Yesus ain. Iausahu apia nea na imuke tewa nea. Reiso pusiso okaitau.

Yohanis 11:1

Ia hanaie isa wain nanai Lasarus. Ia mo, irue poe nia Betania. Iruei ikata ne hotau sio ua. Ne hotau rei nanao mo, Maria na Marta. Maria sahoro mka isona Upuri Yesus ain atua tau mina hau rihue samatoro ikusa Yesus ain atua tau ne huau. Taue isa Lasarus ikupui mtinte.

Yohanis 11:19

Reiso, sio Yahudiu panesi on roe rei ohoka nanie ouna kuru Maria na Marta anoo tau no hota panokoi nea.

Yohanis 12:3

Oyo Maria inana mina tunne. Mina rei mo, mina hau rihue wan nanae mur. Irori liter sama tihue. Mina reimo, hunonie mainae. Maria isona Yesus ain atua tanui oyo ikusa ain atua tau ne huau. Numa anoe rei mo, haue rihue nai osa tau mina rei.

Atata 22:3

“Au mo, au Yahudi. Uamrae poe nia Tarsus poe otoe Kilikia. Ne au mo, au mainae mai kota Yerusalem reini. Gamaliel iatuheteku tau Musa ne maunauna waron isupure pusu rea upu. Upusu maunauna rai ia-ia. Urui ruaku na unana tanei osi Anahatana sani omi mai rei ranie hatae reini.