Lukas 10:3 - Anahatana ne Anamanaya tau Sou Naunue

³ Ohitio na oeumo. Uaisosimo! Ne mka sio umau onesimo. Sio umau nanie ohunumo. Reiso omi mo, noomo noo sani rompa anae wani remahaiki kua asu wesia tihua.

Lukas 10:3 Iomraidhean Croise

Lukas 10:4

Pene oeu orori tasi anae te tasi te sandaliu hasae waroni noi mo patana rai man. Pene oaraoo anamana runa mansiau sui arena tiae.”

Yohanis 10:12

Ne ia wain isupu seha-seha na inoo na rompau rai mo, noo sani mamsaka rompau rai tewa. Mamsaka rompau mo, rompau nene upue. Ia wain isupu seha-seha rei inoo asu wesie rehokai, oyo irumai arihoni rompau rai. Oyo asu wesie rei reoto rompa isa na nesia raruma rawena-wenaso.

Yohanis 15:20

Anomo rapeka na sae wan uasaui nnai osimo nea rei. Uasau ata, ‘Ia maniane mo, ia mainae inesi upui tewa.’ Reiso sani ouna sinsaraku nea, areimo omi iae mka sio ouna sinsaramo oi. Sani sio oatinu sae wan uatuheteso tanre, sio iae mka oatinu sae wan omi oatuheteso tanre rei oi.

Yohanis 16:2

Mka sio osopomo na pene oheta ita Yahudiu re numa mananoune. Renesi rei, mka sio wason ohunumo oata kani wason opusu Anahatana ne maue.

Atata 20:29

Au uanei nea ata mka ueu uarihonimo, oyo sio kahatena umau ohokaso tanumo anoo runamo tewa. Sio sani asu manene anoe runa rompau tewa.

Atata 9:16

Au mo, mka uatuhetei sapani na kahurae sinsarai tau iparisaa tau au.”

Atata 9:2

Ieui roe ia imam onate rei, nanie iainisi surate na isupu kawasa na ieui pan kota Damsyik pan sio onata tau numa manouna osi sio Yahudiu pan rei. Nanie isupu kawasa na munata isupu sio wason oparisaa tau Yesus, sio pinau te sio hanaia pusiso, ia mka inotaso, oyo iroriso roe Yerusalem. Isupu surate rei, oyo ieui.