Lukas 1:76 - Anahatana ne Anamanaya tau Sou Naunue

⁷⁶ “Anaku, mka sio oaoia tau ano mamsima runa Anahatana wain Ia Mainae nai osa ne maunauna. Ano mka anaone arihoni Upuri na aunauso na oatinu tanui iake, sani aseka tau arena osiki na ieu sui arena reimo, iake.

Lukas 1:76 Iomraidhean Croise

Markus 11:32

Ne sani iasau ata, ‘Isohu mansiau runa mansia ne kawasa’, areimo imatata.” Okaitau pene rotu-tu sio panesi oakapuku tanso. Sio panesi oahata, “Titue! Yohanis mo, ia mamsima runa Anahatana ne maunauna isa.”

Lukas 1:32

Ia mo, mka iuna mainae. Mka oiki tau Anahatana wain Ia Mainae Nai Osa Anai. Upuri Anahatana mka ihitiki iuna natu sani upui aia Daud oi.

Lukas 1:35

Iahata, “Mka Anahatana Ne Inaha isipui tanua. Oyo Anahatana wain Ia Mainae Nai osa rei ne kawasa iaraonoa. Oyo tinaim taua. Reiso ia ikine wain mka asusui rei mo, ia manisate onate. Sio mka ooiki tau Anahatana Anai.

Lukas 6:35

Ne kahurae anomo runa mo nisau. Ouna iake osiso. Orui sae wani nanie ohitiki arihonimo rei, pene anomo rauponu na ounre osimo honu. Sani ouna san rei, areimo mka Anahatana irui pahalaa wan mainae nai osa osimo. Mka ouna Anahatana wain Ia Mainae Nai osa ne hehuka. Tau Ia mo, ne iake runa sio kahatena runa sio wason oainisi iake arihoniki tewa.

Yohanis 1:23

Yohanis iasau osiso rerihoni Yesaya ne anamanae isa. Yesaya mo, naone ia mamsima runa Anahatana ne maunauna isa. Yesaya ikanu ata, “Au reini mo, au wani uhatae osi mansiau pani otoe huie runa nioku mainae ata, ‘Seka tau anomo sani sio seka tau arena osi Upuri na inikui.’”

Yohanis 1:27

Ia mo, mka ihokai tau muie. Ne Ia mo, Ia mainae inesi au. Reiso nanie unosu ne sandaliu arihoni ain atua mani oo, umoniki. Reiso unosure mo, pannuhu tewa.”

Yohanis 3:28

Oatinu au uasau osimo nea ata au reini mo, au Aia wain Anahatana Ihitiki na Iapuheu Mansiau mo, tewa. Ne au reini mo, Anahatana iaisosiku uanaonei na useka tau mansia anoo osiki.

Atata 16:17

Ia pina rei ieu ipusu-pusu Paulus runa pusima iaka-akapona, “Sio reino mo, sio wason Anahatana wain ia mainae nai osa ne manorina. Sio wason osima osimo runa sapani na Anahatana iapuheumo na oamahaimo rotu-tu ria supan.”