Lukas 1:68 - Anahatana ne Anamanaya tau Sou Naunue

⁶⁸ “Upuku Anahatana. Upuku iake tunne nai osa reiso uainaa runaya. Upu mo, Anahatana wani ami Israel ainaa runaya. Tau sae? Upu akahaima. Akahai me mansiau nea. Ausi mani rosau nea.

Lukas 1:68 Iomraidhean Croise

Lukas 1:71

Atotoe na iapuheuma arihoni mani nisau. Ananama arihoni sio wason openeso tanuma.

Lukas 19:44

Mka ouna watikohu mo kota rei oyo ohunu pusimo wamo kota rei. Omi mainaya na mo sio ikina. Mo kota rei mka rotu-tu rehasa na tuamane. Araini pusire mka rayari, areimo tau Anahatana irati Au, Aia wan Ihitiku na Uapuheu Mansia. Iratiku ne oationaku tewa.”

Lukas 2:38

Ihokai roe Anahatana ne numa mainisie rei pannuhu Maria runa Yusup wason orui no ia ikine. Iainaa runa Anahatana san rei, “Upuku Anahatana. Arui iake osiku runa pusima utuma mai rei. Ia ikine wain aratiki na iapuheuso iamrae nea. Au ruaku unooi nea. Upuku mo, Ano iake tunne nai osa.” Oyo ianamana rerihoni ia ikine rei osi sio pusiso wason onapa-napa na Anahatana iapuheu sio Yahudiu arihoni no nisau rei.

Lukas 24:21

Ami aunutu anoma tau Ia nea ata Ia sahoro mka iuna ita Israel isihata arihoni re nisau. Ne on naha uasi ohunui nea.

Lukas 7:16

Sio pusiso wasoni noi rei osira. Oyo oainaa runa Anahatana. Oasau ata, “Ia mamsima runa Anahatana ne maunauna isa wain ne kawasa mainae wain ihokai mai tanuta nea.” Sio umau honu oasau ata, “Anahatana waini ihokai na iakahai ne mansiau, ita reini.”