Lukas 1:35 - Anahatana ne Anamanaya tau Sou Naunue

³⁵ Iahata, “Mka Anahatana Ne Inaha isipui tanua. Oyo Anahatana wain Ia Mainae Nai osa rei ne kawasa iaraonoa. Oyo tinaim taua. Reiso ia ikine wain mka asusui rei mo, ia manisate onate. Sio mka ooiki tau Anahatana Anai.

Lukas 1:35 Iomraidhean Croise

Markus 1:1

Au nanie usima na Sou Iake rerihoni Yesus Kristus. Yesus Kristus mo, Anahatana Anai. Sou Iake rei nene aikune wan san naone wan ia mamsima runa Anahatana ne maunauna isa wain nanai Yesaya ikanui. Ikanu ata Anahatana iasau osi Anai, Yesus, san rei, “Anahatana iasau ata, ‘Au mka uaisosi we ia mamsimane isa ianaone. Ia mka iseka tau mansia anoo, noo sani oseka tau arena osi aia, na inikui noi arena rei.

Markus 1:24

“Yesus, Ano Nasaret. Nanie amunama? Ahokaya reini mo, nanie ahunuma si? Uaneia nea. Ano mo, Ano manisate onate. Ahokaya on roe Anahatana!”

Lukas 1:27

Reiso ieu. Oyo ihoka poe ia pina hehu tunne isa wain nanai Maria. Ia pina hehuke rei mo, Yusup ne haene. Yusup mo, ia aia Daud upui.

Lukas 1:34

Maria iasei, “Areimo mka sapan? Uneke ukata ia hanaie isa tewasi reini!”

Lukas 1:36

Me mansia wain nanai Elisabet, ia iae tinain taua hunana nome nea oi. Ia ikine rei iae, mka ia iki hanaie oi. Masike ikore-korei nea iae, na sio oasau ata ikaimeniki iae, tinain taua sirinia.

Yohanis 1:34

Unoo rai pusire tau ruaku mataku nea. Reiso usima osi pusimo ata Ia mo, Anahatana Anai.”

Yohanis 1:49

Pusi, oyo Natanael iasau iahata, “Ano Ona Matuhetene! Au mato uanei reini ata Ano mo, titue-tue Anahatana Anai. Ano mo, ita Israel ma Ia Aia!”

Yohanis 20:31

Ne waron ukanure mo, ukanure na oparisaa ata Yesus mo, Ia Aia wain Anahatana Ihitiki na Iapuheu Mansiau. Ia mo, Anahatana Anai. Ukanu rain pusire oi na oparisaa. Oparisaa na oamahaimo okatai rotu-tu ria supan tau anomo osa nnai.

Atata 8:36

Sio wason pan arena tihue, oyo osupu waene. Reiso ia mainae iasau, “Masi anoo waene reipo. Nesi sae asi na asohuku na mansiau oanei ata uarihoni we rosau nea?”