Lukas 1:1 - Anahatana ne Anamanaya tau Sou Naunue

¹ Osi upuku Teopilus. Sio panesi okanu surata nea. Nanie osima runa sae waron Yesus iunare on ikatama asi.

Lukas 1:1 Iomraidhean Croise

Markus 16:20

Reiso ne mampusua oeu osima na Sou Iake rerihoni Anahatana sui niana-niana mai tuniai reini pusiki. Upuri iakahaiso oi na ouna sima-simana waron ratuhete ata no kawasa arihon Anahatana. Tau rei, sio pusiso oanei ata no anamanaya manisata.

Yohanis 20:31

Ne waron ukanure mo, ukanure na oparisaa ata Yesus mo, Ia Aia wain Anahatana Ihitiki na Iapuheu Mansiau. Ia mo, Anahatana Anai. Ukanu rain pusire oi na oparisaa. Oparisaa na oamahaimo okatai rotu-tu ria supan tau anomo osa nnai.

1 Tesalonika 1:5

Ami aunaumo tau Sou Iake rerihoni Yesus Kristus tau anamanaya ruaya tewa. Ne ami aunaumo tau Sou Iake runa kawasa rerihoni Anahatana Ne Inaha. Reiso anei ata Anahatana ininimo. Ami anei ia-ia ata Sou Iake rei titue. Omi oanei sapani na ami amahaima anori runamo tau akatamo.

1 Timotius 3:16

Ia isa bisa iauhaa tewa ata maunauna rai iaka nai osa. Maunauna waron naone mauhunta ne Anahatana iatuheteta tanure nea. Maunauna waron ratuheteta iamahaita iuna sae waron Anahatana ne suka man. Maunauna rai iaka tau ratuheteta rerihoni Ia wain iatuhete ruai osita nitai tumata. Anahatana Ne Inaha iatuheteta ata ia rei anoi manisate. Anahatana ne maisosia on roe noiyaha onooi. Sio osima nnai osi sio niana-niana. Sio mai tuniai reini oparisaai. Anahatana iapusaai roe noiyaha, naniai wani rinane eresita ita-itane.

2 Timotius 4:17

Ne Upuri ikata runaku. Irui kawasa osiku na usima na Sou Iake rerihoni Yesus pusiki na sio wason sio Yahudiu tewa oatinui. Upuri iakahaiku na pene sio ohunuku sani inanaku rerihoni maisan hohae na pene maisan ereaiku.