Taisbeanadh 9:18 - An Tiomnadh Nuadh anns an Eadar-Theangachadh Ùr Gàidhlig 2017

¹⁸ Le na trì plàighean seo chaidh an trìtheamh pàirt dhe na daoine a mharbhadh, leis an teine 's leis an toit 's leis a' phronnasg a tha a' tighinn om beòil.

Am Bìoball Gàidhlig 1992

¹⁸ Leis na trì plàighean seo mharbhadh an treas cuid de dhaoine, leis an teine, agus leis an deataich, agus leis a’ phronnasg, a chaidh a‑mach as am beòil.

Am Bìoball Iomraidh Gàidhlig 1880 1992

¹⁸ Leis na trì plàighean seo mharbhadh an treas cuid de dhaoine, leis an teine, agus leis an deataich, agus leis a’ phronnasg, a chaidh a‑mach as am beòil.

Tiomnadh Nuadh (MacEachen) 1875

¹⁸ Us leis na tri plaighean sin mharbhadh an treas cuid de dhaoine, leis an teine, ʼs leis an deathaich, agus leis a phronnastul, a thaom a mach as am beoil.

Taisbeanadh 9:18 Iomraidhean Croise

Taisbeanadh 8:10

Agus shèid an treas aingeal a thrombaid agus thuit rionnag mhòr o nèamh, a' losgadh mar lampa, agus thuit i air an treas pàirt dhe na h‑aibhnichean 's air fuarain nan uisgeachan.

Taisbeanadh 8:11

Agus 's e “Burmaid” an t‑ainm a th' air a ghabhail air an rionnaig, agus thionndaidh an treas pàirt dhe na h‑uisgeachan nam burmaid, agus bhàsaich mòran dhaoine o na h‑uisgeachan, oir bha iad searbh.

Taisbeanadh 8:12

Agus shèid an ceathramh aingeal a thrombaid, agus chaidh an treas pàirt dhen ghrèin a bhualadh is an treas pàirt dhen ghealaich, is an treas pàirt dhe na rionnagan, gus an deach an treas pàirt dhiubh dorcha, agus nach nochdadh an treas pàirt dhen latha, agus dhen oidhche cuideachd.

Taisbeanadh 8:7

Agus shèid a' chiad fhear a thrombaid, agus thàinig clachan‑meallain is teine, air am measgachadh le fuil, agus bha iad air an tilgeil air an talamh. Agus bha an treas pàirt dhen talamh air a losgadh, agus bha an treas pàirt dhe na craobhan air an losgadh agus bha am feur uaine gu lèir air a losgadh.

Taisbeanadh 8:8

Agus shèid an dara aingeal a thrombaid agus bha rudeigin mar bheinn mhòr a bha a' losgadh le teine, air a tilgeil dhan mhuir agus thionndaidh an treas pàirt dhen mhuir na fuil.

Taisbeanadh 8:9

Agus bhàsaich an treas pàirt dhe na beathaichean aig an robh beatha sa mhuir, agus bha an treas pàirt dhe na soithichean air an sgrios.

Taisbeanadh 9:15

Agus chaidh na ceithir ainglean a shaoradh, a bh' air an ullachadh airson na h‑uarach is an latha is na mìosa is na bliadhna, airson 's gum marbhadh iad an treas pàirt dhe na daoine.

Taisbeanadh 9:17

Agus mar sin chunnaic mi na h‑eich san t‑sealladh agus iadsan a bha nan suidhe orra, aig an robh uchd‑èideadh de dhath an teine, is gorma is buidhe; agus bha cinn nan each mar chinn leòmhann, agus thàinig às am beòil teine is toit is pronnasg.

Taisbeanadh 9:19

Oir tha cumhachd nan each nam beòil agus nan earbaill, oir tha an earbaill mar nathraichean le cinn, agus leotha sin tha iad a' dèanamh croin.