Taisbeanadh 8:9 - An Tiomnadh Nuadh anns an Eadar-Theangachadh Ùr Gàidhlig 2017

⁹ Agus bhàsaich an treas pàirt dhe na beathaichean aig an robh beatha sa mhuir, agus bha an treas pàirt dhe na soithichean air an sgrios.

Am Bìoball Gàidhlig 1992

⁹ Agus fhuair an treas cuid de na creutairean a bha anns an fhairge, aig an robh anam, bàs; agus mhilleadh an treas cuid de na longan.

Am Bìoball Iomraidh Gàidhlig 1880 1992

⁹ Agus fhuair an treas cuid de na creutairean a bha anns an fhairge, aig an robh anam, bàs; agus mhilleadh an treas cuid de na longan.

Tiomnadh Nuadh (MacEachen) 1875

⁹ Us bhàsaich an treas cuid de na creutairean sin aig an robh beatha sa mhuir, agus sgriosadh an treas cuid de na longan.

Taisbeanadh 8:9 Iomraidhean Croise

Taisbeanadh 12:4

Agus tharraing an t‑earball aige an treas pàirt dhe na rionnagan o nèamh, agus thilg e iad chun na talmhainn. Agus sheas an dràgon air beulaibh a' bhoireannaich a bha gus leanabh a bhreith, gus an itheadh e an leanabh aice nuair a bheireadh i breith dha.

Taisbeanadh 16:3

Agus dhòirt an dara fear am bobhla aige dhan mhuir; agus thionndaidh i gu fuil, mar o neach a bha marbh, agus bhàsaich a h‑uile h‑anam a bha beò sa mhuir.

Taisbeanadh 8:10

Agus shèid an treas aingeal a thrombaid agus thuit rionnag mhòr o nèamh, a' losgadh mar lampa, agus thuit i air an treas pàirt dhe na h‑aibhnichean 's air fuarain nan uisgeachan.

Taisbeanadh 8:12

Agus shèid an ceathramh aingeal a thrombaid, agus chaidh an treas pàirt dhen ghrèin a bhualadh is an treas pàirt dhen ghealaich, is an treas pàirt dhe na rionnagan, gus an deach an treas pàirt dhiubh dorcha, agus nach nochdadh an treas pàirt dhen latha, agus dhen oidhche cuideachd.

Taisbeanadh 8:7

Agus shèid a' chiad fhear a thrombaid, agus thàinig clachan‑meallain is teine, air am measgachadh le fuil, agus bha iad air an tilgeil air an talamh. Agus bha an treas pàirt dhen talamh air a losgadh, agus bha an treas pàirt dhe na craobhan air an losgadh agus bha am feur uaine gu lèir air a losgadh.

Taisbeanadh 9:15

Agus chaidh na ceithir ainglean a shaoradh, a bh' air an ullachadh airson na h‑uarach is an latha is na mìosa is na bliadhna, airson 's gum marbhadh iad an treas pàirt dhe na daoine.

Taisbeanadh 9:18

Le na trì plàighean seo chaidh an trìtheamh pàirt dhe na daoine a mharbhadh, leis an teine 's leis an toit 's leis a' phronnasg a tha a' tighinn om beòil.