Taisbeanadh 13:4 - An Tiomnadh Nuadh anns an Eadar-Theangachadh Ùr Gàidhlig 2017

⁴ Agus rinn iad adhradh dhan dràgon, air sgàth 's gun tug e ùghdarras dhan bhèist. Agus rinn iad adhradh dhan bhèist, ag ràdh, “Cò a tha coltach ris a' bhèist?” agus “Cò a tha comasach air cogadh na h‑aghaidh?”

Am Bìoball Gàidhlig 1992

⁴ Agus rinn iad adhradh don dràgon, a thug a chumhachd don fhiadh-bheathach: agus rinn iad adhradh don fhiadh-bheathach, ag ràdh, Cò a tha cosmhail ris an fhiadh-bheathach? Cò a tha comasach air cogadh a dhèanamh na aghaidh?

Am Bìoball Iomraidh Gàidhlig 1880 1992

⁴ Agus rinn iad adhradh don dràgon, a thug a chumhachd don fhiadh‐bheathach: agus rinn iad adhradh don fhiadh‐bheathach, ag ràdh, Cò a tha cosmhail ris an fhiadh‐bheathach? Cò a tha comasach air cogadh a dhèanamh na aghaidh?

Tiomnadh Nuadh (MacEachen) 1875

⁴ ʼS thug iad aoradh do ʼn dreagon, a thug cumhachd do ʼn uilebheist; ʼs thug iad aoradh do ʼn uilebheist, a g-radh: Co tha coltach ris an uilebheist? us co is urrainn cath ris?

Taisbeanadh 13:4 Iomraidhean Croise

2 Corintianach 4:4

Nan suidheachadh‑san tha dia an t‑saoghail seo air inntinnean nan eas‑creidmheach a dhalladh, airson 's nach bi solas soisgeul glòir Chrìosd, as e ìomhaigh Dhè, air fhoillseachadh dhaibh.

2 Tesalònianaich 2:4

esan a shuidhicheas e fhèin an aghaidh agus a dh'àrdaicheas e fhèin os cionn a h‑uile nì a thèid ainmeachadh mar dhia no mar chuspair adhraidh, air chor 's gun suidh e e fhèin ann an teampall Dhè, a' cumail a‑mach gur esan Dia.

Taisbeanadh 12:3

Agus bha comharra eile air fhaicinn air nèamh, agus seall, dràgon mòr dearg le seachd cinn agus deich adhaircean, agus air a chinn, seachd crùintean.

Taisbeanadh 12:4

Agus tharraing an t‑earball aige an treas pàirt dhe na rionnagan o nèamh, agus thilg e iad chun na talmhainn. Agus sheas an dràgon air beulaibh a' bhoireannaich a bha gus leanabh a bhreith, gus an itheadh e an leanabh aice nuair a bheireadh i breith dha.

Taisbeanadh 13:11

Agus chunnaic mi biast eile a' tighinn a‑nìos às an talamh agus bha dà adhairc oirre mar uan, agus bha i a' bruidhinn mar dhràgon.

Taisbeanadh 13:15

Agus chaidh ceadachadh dhi anail a thoirt do dh'ìomhaigh na bèiste, gus eadhon am bruidhneadh ìomhaigh na bèiste, agus gus an adhbhraicheadh i gum biodh na h‑uimhir 's nach toireadh adhradh do dh'ìomhaigh na bèiste, air am marbhadh.

Taisbeanadh 13:2

Agus bha a' bhiast a chunnaic mi mar liopard agus a casan mar fheadhainn mathain, agus a beul mar bheul leòmhainn agus thug an dràgon dhi a chumhachd‑san agus a rìgh‑chathair‑san agus ùghdarras mòr.

Taisbeanadh 17:14

Nì iad seo cogadh an aghaidh an Uain, agus bheir an t‑Uan buaidh orra, oir is esan Tighearna nan tighearnan agus Rìgh nan rìghrean, agus tha iadsan a tha leis air an gairm, agus air an taghadh agus dìleas.”

Taisbeanadh 18:18

Agus dh'èigh iad, a' faicinn toit an losgaidh aige, ag ràdh, “Dè am baile a tha coltach ris a' bhaile mhòr seo?”

Taisbeanadh 9:20

Agus an còrr dhe na daoine nach robh air am marbhadh leis na plàighean seo, cha do rinn iad fiù 's aithreachas airson obraichean an làmhan, gus nach dèanadh iad adhradh do dheamhain agus do dh'iodhalan òir is airgid is umha is cloiche is fiodha, nach urrainn faicinn no cluinntinn no coiseachd;