Taisbeanadh 12:3 - An Tiomnadh Nuadh anns an Eadar-Theangachadh Ùr Gàidhlig 2017

³ Agus bha comharra eile air fhaicinn air nèamh, agus seall, dràgon mòr dearg le seachd cinn agus deich adhaircean, agus air a chinn, seachd crùintean.

Am Bìoball Gàidhlig 1992

³ Agus chunnacas iongantas eile air nèamh, agus, feuch, dràgon mòr dearg, aig an robh seachd cinn, agus deich adhaircean, agus air a chinn seachd crùin.

Am Bìoball Iomraidh Gàidhlig 1880 1992

³ Agus chunnacas iongantas eile air nèamh, agus, feuch, dràgon mòr dearg, aig an robh seachd cinn, agus deich adhaircean, agus air a chinn seachd crùin.

Tiomnadh Nuadh (MacEachen) 1875

³ Agus chunnacas comharradh eile air neamh: us seall dreagon mor dearg, aig an robh seachd cinn, us deich adhaircean; agus air a chinn seachd crùintean;

Taisbeanadh 12:3 Iomraidhean Croise

Taisbeanadh 12:1

Agus bha comharra mòr air fhaicinn ann an nèamh, boireannach a bh' air a h‑èideadh leis a' ghrèin, agus a' ghealach fo a casan, agus crùn air a ceann de dhà rionnaig dheug.

Taisbeanadh 12:13

Agus nuair a chunnaic an dràgon gu robh e air a thilgeil sìos chun na talmhainn, rinn e geur‑leanmhainn air a' bhoireannach a rug an leanabh fireann.

Taisbeanadh 12:17

Bha an dràgon feargach ris a' bhoireannach, agus dh'fhalbh e gus cogadh ris a' chòrr dhe a sìol, iadsan a tha a' gleidheadh òrduighean Dhè agus aig a bheil teisteanas Ìosa.

Taisbeanadh 12:4

Agus tharraing an t‑earball aige an treas pàirt dhe na rionnagan o nèamh, agus thilg e iad chun na talmhainn. Agus sheas an dràgon air beulaibh a' bhoireannaich a bha gus leanabh a bhreith, gus an itheadh e an leanabh aice nuair a bheireadh i breith dha.

Taisbeanadh 12:7

Agus bha cogadh ann an nèamh: chaidh Mìcheal agus na h‑ainglean aige a chogadh an aghaidh an dràgoin, agus rinn an dràgon agus na h‑ainglean aigesan cogadh.

Taisbeanadh 12:9

Agus chaidh an dràgon mòr a thilgeil sìos, an seann nathair, esan ris an canar an Diabhal, agus Sàtan, esan a tha a' mealladh an saoghal gu lèir, chaidh a thilgeil chun na talmhainn, agus bha na h‑ainglean aige air an tilgeil sìos còmhla ris.

Taisbeanadh 13:1

Agus sheas e air gainmheach na fairge. Agus chunnaic mi biast ag èirigh às a' mhuir, air an robh deich adhaircean is seachd cinn, agus air a h‑adhaircean, deich crùintean, agus air a cinn, ainmean toibheumach.

Taisbeanadh 13:2

Agus bha a' bhiast a chunnaic mi mar liopard agus a casan mar fheadhainn mathain, agus a beul mar bheul leòmhainn agus thug an dràgon dhi a chumhachd‑san agus a rìgh‑chathair‑san agus ùghdarras mòr.

Taisbeanadh 13:4

Agus rinn iad adhradh dhan dràgon, air sgàth 's gun tug e ùghdarras dhan bhèist. Agus rinn iad adhradh dhan bhèist, ag ràdh, “Cò a tha coltach ris a' bhèist?” agus “Cò a tha comasach air cogadh na h‑aghaidh?”

Taisbeanadh 15:1

Agus chunnaic mi comharra eile air nèamh, mòr is iongantach: seachd ainglean aig an robh seachd plàighean, an fheadhainn dheireannach; oir annta sin tha fearg Dhè air a choileanadh.

Taisbeanadh 16:13

Agus chunnaic mi a' tighinn o bheul an dràgoin is o bheul na bèiste is o bheul an fhàidh‑bhrèige, trì spioradan neòghlan mar losgannan.

Taisbeanadh 17:12

“Agus 's iad na deich adhaircean a chunnaic thu, deich rìghrean, nach eil air rìoghachd fhaighinn fhathast, ach gheibh iad ùghdarras mar rìghrean airson aon uair a thìde còmhla ris a' bhèist.

Taisbeanadh 17:16

Agus na deich adhaircean a chunnaic thu, agus a' bhiast, fuathaichidh iad an strìopach agus nì iad fàsail i, is rùisgte agus ithidh iad a feòil, is losgaidh iad i le teine.

Taisbeanadh 17:7

Agus thuirt an t‑aingeal rium, “Carson a ghabh thu iongnadh? Innsidh mise dhut dìomhaireachd a' bhoireannaich 's na bèiste a tha ga giùlan, air a bheil seachd cinn is deich adhaircean.

Taisbeanadh 19:12

Agus bha a shùilean mar lasair theine agus air a cheann bha mòran chrùintean, esan aig an robh ainm sgrìobhte air, nach b' aithne do neach sam bith ach e fhèin.

Taisbeanadh 20:2

Agus ghlac e an dràgon, an t‑seann nathair, as e an Diabhal agus Sàtan, is cheangail esan e airson mìle bliadhna.