Taisbeanadh 10:1 - An Tiomnadh Nuadh anns an Eadar-Theangachadh Ùr Gàidhlig 2017

¹ Agus chunnaic mi aingeal làidir eile a' tighinn a‑nuas o nèamh, air a sgeadachadh le sgòth is bogha‑frois air a cheann. Agus bha aghaidh‑san mar a' ghrian agus na casan aige mar cholbhan teine.

Am Bìoball Gàidhlig 1992

¹ Agus chunnaic mi aingeal cumhachdach eile a’ teachd a‑nuas o nèamh, air a sgeadachadh le neul, agus bogha-frois air a cheann, agus a aghaidh mar a’ ghrian, agus a chasan mar phuist theine.

Am Bìoball Iomraidh Gàidhlig 1880 1992

¹ Agus chunnaic mi aingeal cumhachdach eile a’ teachd a‑nuas o nèamh, air a sgeadachadh le neul, agus bogha‑frois air a cheann, agus a aghaidh mar a’ ghrian, agus a chasan mar phuist theine.

Tiomnadh Nuadh (MacEachen) 1875

¹ Agus chunnaic mi aingeal treun eile a tighinn a nuas bho neamh, sgeadaichte le nial, ʼs bogha-frois air a cheann, agus bha aodann mar a ghrian, ʼsa chasan mar phuist theine;

Taisbeanadh 10:1 Iomraidhean Croise

Mata 17:2

Agus chaidh a chruth‑atharrachadh mun coinneamh, agus dheàlraich aghaidh mar a' ghrian, agus dh'fhàs aodach deàlrach, ro gheal.

Lùcas 21:27

Agus an uair sin chì iad Mac an Duine a' tighinn ann an sgòth, le cumhachd agus mòr‑ghlòir.

Gnìomharan 26:13

Mu mheadhan‑latha, a rìgh, chunnaic mi air an t‑slighe solas o nèamh, na bu shoilleire na a' ghrian, a' deàlradh timcheall ormsa agus orrasan a bha a' siubhal còmhla rium.

Taisbeanadh 1:7

“Seallaibh! Tha e tighinn le na sgòthan, agus chì a h‑uile sùil e, eadhon iadsan a lot e; agus nì treubhan na talmhainn gu lèir caoidh air a shon.” 'S iad a nì. Amen.

Taisbeanadh 18:1

Às dèidh nan rudan seo chunnaic mi aingeal eile aig an robh ùghdarras mòr a' tighinn a‑nuas o nèamh, agus bha an talamh air a shoillseachadh le a ghlòir.

Taisbeanadh 18:21

Agus thog aingeal làidir clach mar chlach‑mhuilinn mhòr agus thilg e dhan mhuir i, ag ràdh: “Mar seo, le fòirneart, thèid Bàbilon am baile mòr a thilgeil sìos, agus cha tèid a lorg tuilleadh.

Taisbeanadh 20:1

Agus chunnaic mi aingeal a' tighinn a‑nuas o nèamh aig an robh iuchair na h‑Àibheis is sèine mhòr na làimh.

Taisbeanadh 4:3

Agus bha dreach an fhir a bha na shuidhe mar chloich iaspair is shàrdioin agus bha bogha‑frois mu chuairt na rìgh‑chathrach coltach ri emerald.

Taisbeanadh 5:2

Agus chunnaic mi aingeal làidir a' gairm ann an guth àrd: “Cò a tha airidh air an rolla fhosgladh agus air a sheulachan a bhriseadh?”

Taisbeanadh 8:13

Agus chunnaic mi, agus chuala mi aon iolair air sgèith ann am meadhan an adhair 's ag ràdh le guth àrd, “Is mairg, is mairg, is mairg dhaibhsan a tha a' còmhnaidh air an talamh, air sgàth na th' air fhàgail de sgalan na trombaid aig na trì ainglean a tha gus an sèideadh.”