Taisbeanadh 1:13 - An Tiomnadh Nuadh anns an Eadar-Theangachadh Ùr Gàidhlig 2017

¹³ Agus am measg nan lampair, fear coltach ri mac an duine air èideadh ann an trusgan fada agus air a chrioslachadh ma chom le crios òir.

Am Bìoball Gàidhlig 1992

¹³ Agus ann am meadhon nan seachd coinnleirean, neach cosmhail ri Mac an Duine, air an robh aodach a ràinig sìos gu a shàiltean, agus crioslaichte le crios òir ma chìochan.

Am Bìoball Iomraidh Gàidhlig 1880 1992

¹³ Agus ann am meadhon nan seachd coinnleirean, neach cosmhail ri Mac an Duine, air an robh aodach a ràinig sìos gu a shàiltean, agus crioslaichte le crios òir ma chìochan.

Tiomnadh Nuadh (MacEachen) 1875

¹³ Agus am miadhon nan seachd coinnleirean òir a h-aon coltach ri Mac an duine, air eideadh le culaidh sios gu chasan, agus crioslaichte mu chiochan le crios òir;

Taisbeanadh 1:13 Iomraidhean Croise

Eabhraidhich 4:15

Oir chan eil àrd‑shagart againne nach urrainn co‑fhaireachdainn a nochdadh dhar laigsean; ach a chaidh a bhuaireadh anns gach rud coltach rinn fhèin, ach às aonais peacaidh.

Taisbeanadh 14:14

Agus chunnaic mi, agus seall, sgòth gheal agus air an sgòth, neach na shuidhe “coltach ri Mac an Duine” is crùn òir aige air a cheann agus corran geur na làimh.

Taisbeanadh 15:6

agus thàinig na seachd ainglean aig an robh na seachd plàighean a‑mach às an teampaill, air an èideadh ann an anart glan is soilleir, agus air an cuartachadh mun cuim le criosan òir.

Taisbeanadh 2:1

“Gu aingeal na h‑eaglaise ann an Ephesus, sgrìobh: Seo na rudan a tha esan a tha a' cumail nan seachd rionnagan na làimh dheis ag ràdh, esan a tha a' coiseachd am measg nan seachd lampairean òir: