Philemoin 1:20 - An Tiomnadh Nuadh anns an Eadar-Theangachadh Ùr Gàidhlig 2017

²⁰ Seadh, a bhràthair, airson 's gum biodh tairbhe agam uat anns an Tighearna, ùraich mo chridhe ann an Crìosd.

Am Bìoball Gàidhlig 1992

²⁰ Seadh, a bhràthair, faigheam gàirdeachas dod thaobh anns an Tighearna: dèan suaimhneach mo chridhe anns an Tighearna.

Am Bìoball Iomraidh Gàidhlig 1880 1992

²⁰ Seadh, a bhràthair, faigheam gàirdeachas dod thaobh anns an Tighearna: dèan suaimhneach mo chridhe anns an Tighearna.

Ann An Gàidhlig an Latha An-diugh 1986

²⁰ Leis a sin, a bhràthair chòir, dèan thusa coibhneas dhòmhsa anns an Tighearna; thoir togail dham chridhe mar mo charaid ann an Crìosd.

Tiomnadh Nuadh (MacEachen) 1875

²⁰ Tha, a bhrathair. Gum meal mi thu san Tighearna: Furtaich air mʼ innibh anns an Tighearna.

Philemoin 1:20 Iomraidhean Croise

1 Corintianach 16:18

Oir dh'ath‑ùraich iad mo spiorad‑sa agus ur spiorad‑se. Mar sin aithnichibh an leithidean sin.

2 Corintianach 2:2

Oir ma chuireas mise bròn oirbhse, cò a nì toilichte mise, mura h‑e an neach a th' air a chur fo bhròn leamsa?

2 Corintianach 7:13

Air an adhbhar seo, tha sinn air ar cofhurtachadh. Agus a thuilleadh air ar cofhurtachd fhèin, rinn sinn barrachd gàirdeachais airson aoibhneas Thìtuis, air sgàth 's gun d' fhuair a spiorad ath‑ùrachadh uaibhse uile.

Philipianach 1:8

Oir 's e Dia m' fhianais, a thaobh mar a tha mi gur n‑ionndrainn uile le spèis Chrìosd Ìosa.

Philipianach 4:1

Mar sin, mo bhràithrean, as gràdh leam 's as miann leam, m' aoibhneas is mo chrùn, seasaibh mar seo gu daingeann san Tighearna, a mhuinntir mo ghràidh.

Philemoin 1:12

Tha mi ga chur air ais thugad, agus gabh ris mar rim chridhe fhèin.

Philemoin 1:7

Oir tha taingealachd mhòr is misneachd againn às do ghràdh‑sa a chionn 's gu bheil cridheachan nan naomh ùraichte tromhadsa, a bhràthair.

Eabhraidhich 13:17

Thoiribh feart dhur ceannardan agus bithibh umhail dhaibh, oir tha iadsan a' gabhail cùram dhur n‑anman oir bheir iad cunntas orra, airson 's gun tèid aca air sin a dhèanamh le aoibhneas 's chan ann le mulad; oir cha bhiodh seo gu sìon a bhuannachd dhuibh.

1 Eòin 3:17

Ach ge b' e cò aig a bheil sealbh‑beatha saoghalta 's a chì a bhràthair ann an èiginn agus nach seall truas dha, ciamar is urrainn gràdh Dhè fantainn annsan?

3 Eòin 1:4

Chan eil toileachas nas motha na sin agam, gun cluinninn gu bheil mo chlann a' coiseachd anns an fhìrinn.