Philemoin 1:14 - An Tiomnadh Nuadh anns an Eadar-Theangachadh Ùr Gàidhlig 2017

¹⁴ Ach cha robh mi airson sìon a dhèanamh gun do chead, airson 's nach dèanadh tu do dheagh ghnìomh gu riatanach ach gu deònach.

Am Bìoball Gàidhlig 1992

¹⁴ Ach as eugmhais d’inntinn-sa cha bu toil leam nì sam bith a dhèanamh; a‑chum nach biodh do mhaith-sa mar gum b’ann a dh’aindeoin, ach od thoil fhèin.

Am Bìoball Iomraidh Gàidhlig 1880 1992

¹⁴ Ach as eugmhais d’inntinn‐sa cha bu toil leam nì sam bith a dhèanamh; a‑chum nach biodh do mhaith‐sa mar gum b’ann a dh’aindeoin, ach od thoil fhèin.

Ann An Gàidhlig an Latha An-diugh 1986

¹⁴ Ach cha robh mi airson dad a dhèanamh gun do chead, gus am biodh tu deònach coibhneas a nochdadh led thoil fhèin 's chan ann ge b'oil leat.

Tiomnadh Nuadh (MacEachen) 1875

¹⁴ Ach gun do chomhairle cha bu mhath leam ni a dhianamh, gus do dheagh ghniomh a bhith, cha n-ann air eiginn mar gum bʼ eadh, ach le do thoil.

Philemoin 1:14 Iomraidhean Croise

1 Corintianach 9:17

Oir ma nì mi seo om rùn fhèin, tha duais agam, ach mura h‑ann om rùn fhèin, tha stiùbhardachd air a h‑earbsa dhomh.

1 Corintianach 9:7

Cò a bhios a' dèanamh seirbheis mar shaighdear air a chosgais fhèin? Cò a bhios a' cur fìon‑lios gun a bhith ag ithe sìon dhen toradh aige? No cò a bhios a' frithealadh treud gun a bhith a' faighinn sìon dhen bhainne aige?

2 Corintianach 1:24

Chan e gu bheil tighearnas againne thar ur creideimh, ach 's e co‑luchd‑obrach a th' annainn airson ur n‑aoibhneis, oir, nur creideamh, tha sibh a' seasamh.

2 Corintianach 8:12

Oir ma tha an deisealachd ann, tha e airidh air gabhail ris a rèir na th' aig neach, chan ann a rèir na tha a dhìth air.

2 Corintianach 9:5

Mar sin shaoil mi gun robh e riatanach ìmpidh a chur air na bràithrean a dhol air thoiseach oirbh airson ur tabhartais – a gheall sibh roimhe – a chur an òrdugh, airson 's gum biodh sin deiseil, mar shaor‑thiodhlac 's chan ann an aghaidh ur toil.

2 Corintianach 9:7

Dèanadh gach neach mar a shuidhich e na chridhe fhèin, chan ann a dh'aindeoin no fo èiginn, oir tha gràdh aig Dia dhan neach a bheir seachad gu sunndach.