Marcus 7:30 - An Tiomnadh Nuadh anns an Eadar-Theangachadh Ùr Gàidhlig 2017

³⁰ Agus chaidh i dhachaigh is fhuair i an leanabh na laighe air an leabaidh agus an deamhan air tighinn a‑mach.

Am Bìoball Gàidhlig 1992

³⁰ Agus nuair a bha ise air teachd a dh’ionnsaigh a taighe, fhuair i an deamhan air dol a‑mach, agus a nighean air a cur na laighe air an leabaidh.

Am Bìoball Iomraidh Gàidhlig 1880 1992

³⁰ Agus nuair a bha ise air teachd a dh’ionnsaigh a taighe, fhuair i an deamhan air dol a‑mach, agus a nighean air a cur na laighe air an leabaidh.

Ann An Gàidhlig an Latha An-diugh 1986

³⁰ Dh'fhalbh i dhachaigh, 's fhuair i am pàisde na laighe air an leabaidh, 's an deamhan air teicheadh.

Tiomnadh Nuadh (MacEachen) 1875

³⁰ ʼS nuair rainig i a tigh, fhuair i an nighean ʼna laidhe air an leabaidh, ʼs an deomhan air dol a mach.

Marcus 7:30 Iomraidhean Croise

Marcus 7:29

Agus thuirt e rithe, “Airson na freagairt seo, faodaidh tu falbh; tha an deamhan air a dhol a‑mach às do nighinn.”

Marcus 7:31

A‑rithist chaidh Ìosa a‑mach à ceàrnaidh Thìruis agus chaidh e tro Shìdon gu Muir Ghalile, ann an ceàrnaidh Dhecapolis.

1 Eòin 3:8

Tha an neach a tha ris a' pheacadh on diabhal, on a tha an diabhal air a bhith a' peacachadh on toiseach. B' ann air a shon seo a nochd Mac Dhè, airson 's gun cuireadh e às do dh'obraichean an diabhail.