Marcus 5:18 - An Tiomnadh Nuadh anns an Eadar-Theangachadh Ùr Gàidhlig 2017

¹⁸ Fhad 's a bha e a' dol a‑steach dhan eathar, ghuidh an duine anns an robh na deamhain air Ìosa am faodadh e a bhith còmhla ris.

Am Bìoball Gàidhlig 1992

¹⁸ Agus air dha dol a‑steach anns an luing, ghuidh an tì anns an robh an deamhan air gum faodadh e a bhith maille ris.

Am Bìoball Iomraidh Gàidhlig 1880 1992

¹⁸ Agus air dha dol a‑steach anns an luing, ghuidh an tì anns an robh an deamhan air gum faodadh e a bhith maille ris.

Ann An Gàidhlig an Latha An-diugh 1986

¹⁸ Nuair a bha e a' dol air bòrd a' bhàta, dh'iarr am fear anns an robh na deamhain cead air falbh còmhla ris.

Tiomnadh Nuadh (MacEachen) 1875

¹⁸ ʼS nuair a bha e dol a stigh doʼn bhàta, thòisich am fear, a bha air a phianadh leis an deomhan, ri griosad air a leigeil comhla ris:

Marcus 5:18 Iomraidhean Croise

Mata 4:24

Mar sin chaidh a chliù air feadh Shiria gu lèir, agus thug iad thuige iadsan uile a bha tinn, iadsan a bha a' fulang diofar bhochdainnean is phiantan, iadsan a bha fo chumhachd dheamhan, tuiteamaich agus luchd‑pairilis, agus shlànaich e iad.

Marcus 5:15

Thàinig iad gu Ìosa agus chunnaic iad an duine anns an robh na deamhain, am fear aig an robh an Lègion, na shuidhe an sin, air èideadh agus ceart sa cheann; agus bha an t‑eagal orra.

Marcus 5:16

Agus iadsan a chunnaic e, dh'aithris iad dhaibh mar a thachair dhan duine san robh na deamhain, agus mu na mucan.

Marcus 5:17

Agus thòisich iad a' guidhe air Ìosa a dhol a‑mach às a' cheàrnaidh aca.

Marcus 5:7

Agus dh'èigh e le guth àrd, is thuirt e, “Dè mo ghnothach riutsa, Ìosa, a Mhic an Dè as ro àirde? Tha mi a' guidhe ort, tro Dhia, gun mo chur fo àmhghar.”