Marcus 3:14 - An Tiomnadh Nuadh anns an Eadar-Theangachadh Ùr Gàidhlig 2017

¹⁴ Agus shuidhich e dà fhear dheug – a dh'ainmich e cuideachd mar abstoil – airson 's gum biodh iad còmhla ris agus gun cuireadh e a‑mach iad a shearmonachadh,

Am Bìoball Gàidhlig 1992

¹⁴ Agus dh’òrdaich e dà‑fhear-dheug, a‑chum gum biodh iad maille ris, agus gun cuireadh e a‑mach iad a shearmonachadh;

Am Bìoball Iomraidh Gàidhlig 1880 1992

¹⁴ Agus dh’òrdaich e dà‑fhear‐dheug, a‑chum gum biodh iad maille ris, agus gun cuireadh e a‑mach iad a shearmonachadh;

Ann An Gàidhlig an Latha An-diugh 1986

¹⁴ Chuir e air leth dà dhuine dheug (“abstoil” a thug e orra) a bhiodh còmhla ris, 's a chuireadh e a‑mach a shearmonachadh,

Tiomnadh Nuadh (MacEachen) 1875

¹⁴ Agus roghnaich e gum biodh dà fhear dhiag maille ris; agus gun cuireadh e a theagasg iad.

Marcus 3:14 Iomraidhean Croise

Marcus 3:13

Agus chaidh e suas chun na beinne agus ghairm e thuige fhèin an fheadhainn sin a bha e ag iarraidh, agus thàinig iad thuige.

Marcus 3:15

agus airson 's gum biodh ùghdarras aca deamhain a thilgeil a‑mach.

Marcus 6:30

Chruinnich na h‑abstoil timcheall air Ìosa agus dh'innis iad dha a h‑uile rud a rinn iad agus na theagaisg iad.

Lùcas 24:47

agus gum feumadh aithreachas is mathanas pheacaidhean a bhith air a shearmonachadh na ainm‑san dhan a h‑uile nàisean, a' tòiseachadh o Ierusalem.

Eòin 15:16

Chan e sibhse a thagh mise, ach is mise a thagh sibhse agus dh'òrdaich mi sibh airson 's gun deigheadh sibh agus gun toireadh sibh a‑mach toradh, agus gum maireadh ur toradh, airson 's ge b' e rud a dh'iarras sibh on Athair nam ainm‑sa, gun toir e dhuibh e.

Gnìomharan 1:8

Ach gheibh sibh cumhachd nuair a thig an Spiorad Naomh oirbh, agus bidh sibh nur fianaisean dhòmhsa ann an Ierusalem agus ann an Iudèa gu lèir agus ann an Samaria, agus gu crìoch na talmhainn.”

Galàtianach 1:1

Pòl, abstol, chan ann o dhaoine, no tro dhaoine, ach tro Ìosa Crìosd agus tro Dhia an t‑Athair, a thog suas o na mairbh e –