Marcus 14:70 - An Tiomnadh Nuadh anns an Eadar-Theangachadh Ùr Gàidhlig 2017

⁷⁰ Ach a‑rithist dh'àich e e. Agus às dèidh greiseig thuirt iadsan a bha nan seasamh mun cuairt a‑rithist ri Peadar, “Gu fìrinneach is e fear dhiubh a th' annad, oir is Galilèach thu.”

Am Bìoball Gàidhlig 1992

⁷⁰ Agus dh’àich e a‑rìs. Agus an ceann beagan na dhèidh sin, thubhairt iadsan a bha nan seasamh an làthair a‑rìs ri Peadar, Gu fìrinneach is ann dhiubh siud thu: oir is Galilèach thu, agus tha do chainnt cosmhail riu.

Am Bìoball Iomraidh Gàidhlig 1880 1992

⁷⁰ Agus dh’àich e a‑rìs. Agus an ceann beagan na dhèidh sin, thubhairt iadsan a bha nan seasamh an làthair a‑rìs ri Peadar, Gu fìrinneach is ann dhiubh siud thu: oir is Galilèach thu, agus tha do chainnt cosmhail riu.

Ann An Gàidhlig an Latha An-diugh 1986

⁷⁰ Chaidh esan ás àicheadh a‑rithist. An ceann treis eile, thuirt iadsan ri Peadar, “'Se fear dhiubh a th'annad gun teagamh, oir 'sann à Galile a tha thu.”

Tiomnadh Nuadh (MacEachen) 1875

⁷⁰ Us dhʼaicheadh esan a rithist. Agus an ceann tacain, thuirt iadsan a bha san lathair a rithist ri Peadar: ʼSann dhiu thu gu cinnteach: oir is Galiléach thu.

Marcus 14:70 Iomraidhean Croise

Marcus 14:68

Ach dh'àich esan e, ag ràdh, “Chan eil fios agam agus chan eil mi a' tuigsinn dè a tha thu ag ràdh.” Agus chaidh esan a‑mach dhan phoirdse, agus ghairm coileach.

Marcus 14:69

Agus ga fhaicinn, thòisich a' bhana‑sheirbheiseach air a ràdh a‑rithist riuthasan a bha nan seasamh mun cuairt, “'S e fear dhiubh a tha seo.”

Marcus 14:71

Ach thòisich esan air mallachadh 's air mionnachadh, “Chan aithne dhomh an duine seo air a bheil sibh a' bruidhinn.”

Gnìomharan 2:7

Agus bha iad uile fo iongnadh 's fo mhòr‑iongantas, ag ràdh, “Èist, nach e Galilèaich a th' annta sin uile a tha a' bruidhinn?