Marcus 13:2 - An Tiomnadh Nuadh anns an Eadar-Theangachadh Ùr Gàidhlig 2017

² Agus thuirt Ìosa ris, “A bheil thu a' faicinn nan togalaichean mòra seo? Cha tèid aon chlach fhàgail air muin cloiche an seo nach tèid a leagail sìos!”

Am Bìoball Gàidhlig 1992

² Agus fhreagair Iosa agus thubhairt e ris, Am faic thu an aitreabh mhòr seo? Chan fhàgar clach air muin cloiche, nach sgarar o chèile.

Am Bìoball Iomraidh Gàidhlig 1880 1992

² Agus fhreagair Iosa agus thubhairt e ris, Am faic thu an aitreabh mhòr seo? Chan fhàgar clach air muin cloiche, nach sgarar o chèile.

Ann An Gàidhlig an Latha An-diugh 1986

² Thuirt Iosa ris, “A bheil thu a' faicinn nan togalaichean mòra seo? Cha bhi fiù 's aon chlach air a fàgail air muin t'èile ann an seo.”

Tiomnadh Nuadh (MacEachen) 1875

² Us fhreagair Iosa, us thuirt e ris: Bheil thu faicinn an aitreibh mhoir so uile? Cha n-fhagar clach air muin cloiche nach tilgear sios.

Marcus 13:2 Iomraidhean Croise

Mata 24:2

Ach gam freagairt thuirt Ìosa, “A bheil sibh a' faicinn nan rudan seo gu lèir? Gu fìrinneach, tha mi ag ràdh ribh nach bi clach air a fàgail air muin cloiche nach tèid a leagail sìos.”

Lùcas 21:6

“A thaobh nan rudan seo a chì sibh, thig na làithean anns nach tèid clach fhàgail air muin cloiche dhiubh nach tèid a thilgeil sìos.”

Gnìomharan 6:14

oir chuala sinn e ag ràdh gun sgrios an t‑Ìosa seo o Nàsaret an t‑àite seo agus gun atharraich e na cleachdaidhean a thug Maois dhuinne.”

Taisbeanadh 11:2

Ach fàg a‑mach a' chùirt a‑muigh dhen teampall agus na tomhais i, oir bha i air a toirt dha na Cinnich; agus stampaidh iad am baile naomh fon casan fad ceathrad mìos 's a dhà.