Marcus 1:20 - An Tiomnadh Nuadh anns an Eadar-Theangachadh Ùr Gàidhlig 2017

²⁰ Sa bhad ghairm e iad, agus dh'fhàg iad Sebede an athair san eathar còmhla ris na fir a bh' air am fastadh, agus lean iad esan.

Am Bìoball Gàidhlig 1992

²⁰ Agus air ball ghairm e iad; agus dh’fhàg iad Sebede an athair anns an luing maille ris an luchd-tuarasdail, agus lean iad esan.

Am Bìoball Iomraidh Gàidhlig 1880 1992

²⁰ Agus air ball ghairm e iad; agus dh’fhàg iad Sebede an athair anns an luing maille ris an luchd‐tuarasdail, agus lean iad esan.

Ann An Gàidhlig an Latha An-diugh 1986

²⁰ Dh'eubh e riusan cuideachd. Dh'fhàg iad an athair Sebede sa bhàta còmhla ris an sgioba is thog iad orra ás a dhèidh.

Tiomnadh Nuadh (MacEachen) 1875

²⁰ Agus ghairm e iad san uair. ʼSa fagail an athar Sebede maille ris an luchd-thuarasdail san t-saghach, lean iad e.

Marcus 1:20 Iomraidhean Croise

Mata 10:37

“Ge b' e cò a ghràdhaicheas athair no màthair nas motha na mise, chan eil e airidh orm, agus ge b' e cò a ghràdhaicheas mac no nighean os mo chionn‑sa, chan eil e airidh orm.

Marcus 1:19

Agus a' dol beagan air adhart, chunnaic e Seumas mac Shebede agus Eòin a bhràthair san eathar a' càradh an lìon.

Marcus 1:21

Agus chaidh iad a‑steach do Chapernàum agus sa bhad air an t‑Sàbaid chaidh e a‑steach dhan t‑sionagog agus bha e a' teagasg.

Marcus 10:29

Thuirt Ìosa, “Gu deimhinn tha mi ag ràdh ribh nach eil neach sam bith a dh'fhàg taigh no bràithrean no peathraichean no màthair no athair no clann no achaidhean, air mo shon‑sa agus airson an t‑soisgeil,

Lùcas 14:26

“Ma thig neach sam bith thugamsa, agus nach fuathaich e athair fhèin 's a mhàthair, agus a bhean‑phòsta 's a chlann, agus a bhràithrean 's a pheathraichean – seadh agus fiù 's a bheatha fhèin – chan urrainn dha a bhith na dheisciobal dhòmhsa.

Lùcas 5:11

Agus nuair a bha iad air am bàtaichean a thoirt gu tìr, dh'fhàg iad a h‑uile rud is lean iad esan.

2 Corintianach 5:16

Mar sin, à seo suas chan aithne dhuinn duine sam bith a rèir na feòla; fiù 's ged a b' aithne dhuinn Crìosd a rèir na feòla, ach a‑nis chan aithne dhuinn e mar seo tuilleadh.