Lùcas 5:5 - An Tiomnadh Nuadh anns an Eadar-Theangachadh Ùr Gàidhlig 2017

⁵ Agus fhreagair Sìmon agus thuirt e ris, “A Mhaighstir, shaothraich sinn gu cruaidh fad na h‑oidhche, agus cha do ghlac sinn rud sam bith. Ach air d' fhacal‑sa leigidh mi sìos na lìn.”

Am Bìoball Gàidhlig 1992

⁵ Agus fhreagair Sìmon, agus thubhairt e ris, A Mhaighistir, shaothraich sinn feadh na h‑oidhche uile, agus cha do ghlac sinn nì sam bith: ach air d’fhacal-sa leigidh mi sìos an lìon.

Am Bìoball Iomraidh Gàidhlig 1880 1992

⁵ Agus fhreagair Sìmon, agus thubhairt e ris, A Mhaighistir, shaothraich sinn feadh na h‑oidhche uile, agus cha do ghlac sinn nì sam bith: ach air d’fhacal‐sa leigidh mi sìos an lìon.

Tiomnadh Nuadh (MacEachen) 1875

⁵ Agus thuirt Simon ris, ʼs e freagairt: A Mhaighistir, shaothraich sinn fad na h-oidhche, ʼs cha do ghlac sinn dad: ach air tʼfhacalsa leigidh mi sios an lion.

Lùcas 5:5 Iomraidhean Croise

Lùcas 17:13

agus thog iad suas an guthan, ag ràdh, “Ìosa, a Mhaighstir, dèan tròcair oirnn.”

Lùcas 8:24

Agus chaidh iad agus dhùisg iad e, ag ràdh, “A Mhaighstir, a Mhaighstir, tha sinn gu bhith caillte!” Agus dhùisg esan, agus chronaich e a' ghaoth agus boile nan tonn, agus sguir iad, agus bha ciùine ann.

Lùcas 8:45

Agus thuirt Ìosa, “Cò a bhean rium?” Nuair a dh'àich iad uile e, thuirt Peadar, “A Mhaighstir, tha an sluagh gad chuartachadh agus gad bhruthadh.”

Lùcas 9:33

Dìreach nuair a bha na fir a' dealachadh ris, thuirt Peadar ri Ìosa, “A Mhaighstir, tha e math gu bheil sinne an seo. Dèanamaid trì pàilleanan – aon dhutsa agus aon do Mhaois agus aon do dh'Eliah,” (gun tuigse aige air dè a bha e ag ràdh).

Lùcas 9:49

Fhreagair Eòin, “A Mhaighstir, chunnaic sinne duine a' tilgeil a‑mach dheamhan nad ainm‑sa, agus dh'fheuch sinn ri bacadh a chur air, a chionn 's nach eil e gar leantainn‑ne.”

Eòin 15:14

Is sibhse mo charaidean‑sa, ma nì sibh na dh'àithneas mi dhuibh.

Eòin 2:5

Thuirt a mhàthair ris na seirbheisich, “Dèanaibh ge b' e dè a dh'iarras e oirbh.”

Eòin 21:3

Thuirt Sìmon Peadar riutha, “Tha mise a' dol a dh'iasgach.” Thuirt iadsan ris, “Thig sinne còmhla riut.” Chaidh iad a‑mach, agus chaidh iad dhan eathar, ach cha do ghlac iad rud sam bith an oidhche sin.