Lùcas 4:8 - An Tiomnadh Nuadh anns an Eadar-Theangachadh Ùr Gàidhlig 2017

⁸ Agus fhreagair Ìosa e, “Tha e sgrìobhte, ‘Nì thu adhradh dhan Tighearna do Dhia, agus dhàsan a‑mhàin nì thu seirbheis.’”

Am Bìoball Gàidhlig 1992

⁸ Agus fhreagair Iosa agus thubhairt e ris, Tàrr air mo chùlaibh, a Shàtain: oir tha e sgrìobhte, Nì thu adhradh don Tighearna do Dhia, agus dhàsan na aonar nì thu seirbhis.

Am Bìoball Iomraidh Gàidhlig 1880 1992

⁸ Agus fhreagair Iosa agus thubhairt e ris, Tàrr air mo chùlaibh, a Shàtain: oir tha e sgrìobhte, Nì thu adhradh don Tighearna do Dhia, agus dhàsan na aonar nì thu seirbhis.

Tiomnadh Nuadh (MacEachen) 1875

⁸ Fhreagair Iosa, agus thuirt e ris: Tha e sgriobhte: Bheir thu aoradh do ʼn Tighearna do Dhia, agus dhasan a mhain ni thu seirbhis.

Lùcas 4:8 Iomraidhean Croise

Mata 16:23

Ach thionndaidh e is thuirt e ri Peadar, “Thalla gu mo chùlaibh, a Shàtain! Tha thu nad cheap‑tuislidh dhomh. Oir chan eil thu a' smaoineachadh mu rudan Dhè, ach mu rudan dhaoine.”

Mata 4:10

An uair sin thuirt Ìosa ris, “Thalla uam, a Shàtain! Oir tha e sgrìobhte, ‘Nì thu adhradh dhan Tighearna do Dhia, agus dhàsan a‑mhàin nì thu seirbheis.’”

Lùcas 4:4

Agus fhreagair Ìosa e, “Tha e sgrìobhte, ‘Chan ann air aran a‑mhàin a bhios duine beò.’”

Lùcas 4:7

Mar sin, ma nì thu adhradh dhòmhsa, is ann leatsa a bhios e gu lèir.”

Seumas 4:7

Ùmhlaichibh sib' fhèin mar sin do Dhia. Seasaibh an aghaidh an diabhail, agus teichidh e uaibh.

1 Peadar 5:9

Seasaibh na aghaidh, daingeann sa chreideamh, le fios gu bheil na h‑aon fhulangasan air an coileanadh nur bràithreachas air feadh an t‑saoghail.

Taisbeanadh 19:10

Agus thuit mi mu choinneamh a chasan gus adhradh a dhèanamh dha, agus thuirt e rium, “Faic nach dèan thu sin, oir is e co‑sheirbheiseach dhut a th' annamsa agus dhad bhràithrean, iadsan aig a bheil teisteanas Ìosa. Dèan adhradh do Dhia, oir is e teisteanas Ìosa spiorad na fàidheadaireachd.”

Taisbeanadh 22:9

Agus thuirt e rium, “Feuch nach dèan thu sin, oir is e co‑sheirbheiseach a th' annam leatsa, agus led bhràithrean, na fàidhean, agus leothasan a tha gleidheadh faclan an leabhair seo. Dèan adhradh do Dhia!”